வெகு நாட்களாகவே தமிழ் சினிமாவில் கவர்ச்சி பாடல்கள் என்பதற்கு ஒரு முக்கியத்துவம் இருந்து வந்தது. ஆனால் அடுத்தடுத்த தலைமுறைகள் வர வர பாடல்களுக்கே பெரிதாக முக்கியத்துவம் இருக்கவில்லை என்று கூற வேண்டும்.
ஏனெனில் பாடல்களே இல்லாத திரைப்படங்கள் கூட நல்ல வெற்றியை தான் கொடுத்து வந்தன. இதனால் பெரும் நடிகர்கள் படத்தில் கவர்ச்சி பாடல்கள் என்பதே குறைய தொடங்கியது. மிகவும் அரிதாகவே ஒரு சில திரைப்படங்களில் கவர்ச்சி பாடல்கள் இருந்து வந்தன.
இந்த நிலையில் கவர்ச்சி பாடல்களுக்கான மார்க்கெட்டை மறுபடியும் ஓபன் செய்து வைத்திருக்கிறது ஜெயிலர் திரைப்படம். இந்த திரைப்படத்தில் வந்த காவலா பாடல் ஜெயிலர் திரைப்படம் அதிகமாக பிரபலம் அடைந்ததற்கு மிகவும் முக்கியமானதாக இருந்தது. மேலும் நடிகை தமன்னாவிற்கும் மிகப்பெரிய மார்க்கெட்டை இந்த பாடல் பெற்றுக் கொடுத்தது.
களம் இறங்கும் த்ரிஷா:
இதனை தொடர்ந்து அரண்மனை படத்தின் நான்காம் பாகத்திலும் தமன்னாவிற்கு முக்கியமான கதாபாத்திரம் கிடைத்திருக்கிறது. மேலும் இன்னும் நிறைய திரைப்படங்களில் அவருக்கு வாய்ப்புகள் வந்துள்ளது.
இதற்கு இந்த கவாலா பாடல்தான் முக்கிய காரணமாக இருக்கிறது. இதனை தொடர்ந்து தற்சமயம் த்ரிஷாவும் ஒரு கவர்ச்சி பாடலில் ஆடுவதற்கு இருப்பதாக தகவல் வந்துள்ளன. விஜய் தற்சமயம் நடித்து வரும் கோட் திரைப்படத்தில் ஒரு கவர்ச்சி பாடல் வைக்கலாம் என்று முடிவு செய்யப்பட்டது.
பொதுவாக திரிஷா எந்த திரைப்படத்திலும் கவர்ச்சி பாடல்களுக்கு மட்டும் ஆடுவதற்கு வர மாட்டார். ஆனால் விஜய் படம் என்பதால் அவர் இந்த படத்தில் ஆடுவதற்கு ஒப்புக்கொண்டார். இந்த பாடலை குறிச்சி மடத்தாம்படி என்கிற மகேஷ் பாபு திரைப்படத்தில் வந்த பாடலை தயாரித்த சேகர் மாஸ்டர்தான் இந்த பாடலுக்கும் நடன கலைஞராக இருக்கிறார்.
அந்த பாடல் தெலுங்கு மட்டும் இல்லாமல் தென்னிந்தியா முழுவதும் பெரும் வரவேற்பை பெற்றது. அதே மாதிரியான ஒரு பாடலாக இந்த கோட் திரைப்படத்தில் வரும் பாடலும் இருக்கும் என்று எதிர்பார்க்கப்படுகிறது இந்த நிலையில் திரிஷா ரசிகர்கள் இந்த பாட்டிற்காக காத்திருக்க துவக்கி இருக்கின்றனர்.
