Cinema History
Vetrimaaran : அட கிறுக்கு பசங்களா மாரி செல்வராஜ், வெற்றிமாறன் செயலால் அதிர்ச்சியான டப்பிங் அலுவலகம்!..
Vetrimaaran asuran Movie: தமிழில் புரட்சி திரைப்படங்களாக எடுக்கும் முக்கியமான இயக்குனர்களில் வெற்றிமாறனும் மாரி செல்வராஜூம் இருக்கின்றனர். அவர்கள் இருவரும் சாதிய ஒடுக்கு முறைக்கு எதிரான திரைப்படங்களையும் முக்கியமான அரசியல் பேசும் திரைப்படங்களையும் எடுத்து வருகின்றனர்.
சினிமா என்பதை வெறும் பொழுதுபோக்குக்கான ஒரு விஷயமாக மட்டும் பார்க்காமல் அதன் மூலம் மக்களுக்கு சில விஷயங்களை சொல்ல நினைக்கும் இயக்குனர்களில் இவர்கள் இருவரும் முக்கியமானவர்கள்.
வெற்றிமாறன் இயக்கிய அசுரன் திரைப்படம் தனுஷிற்கும் சரி வெற்றிமாறனுக்கும் சரி மிக முக்கியமான திரைப்படம் என்று கூறலாம். தன் குடும்பத்துக்காக எவ்வளவு வேண்டுமானாலும் அமைதியாக போகும் ஒரு தந்தை தன் மகனுக்கு பிரச்சினை என்று வரும் பொழுது எவ்வளவு பெரிய கோபக்காரனாக விஸ்வரூபம் எடுக்கிறான் என்பதாக அந்த கதை இருக்கும்.
அதில் சாதிய அடக்கு முறையும் பேசப்பட்டிருக்கும் இந்த பசத்தின் டப்பிங் வேலைகள் வெளிமாநிலத்தில் நடத்தப்பட்டது அப்பொழுது படம் வெளியாவதற்கு ஐந்து நாட்கள் முன்பு வரை டப்பிங் வேலைகள் நடந்து கொண்டிருந்தன. எனவே அந்த குழுவில் மாரி செல்வராஜும் இருந்தார்.
இரவு பகல் பார்க்காமல் டப்பிங் செய்து கொண்டிருந்தனர் தனுஷ் மற்றும் படக்குழுவினர். இதனை பார்த்த அந்த டப்பிங் அலுவலகத்தை சேர்ந்தவர்கள் ஏன் 24 மணி நேரமும் வேலை பார்த்துக் கொண்டிருக்கிறீர்கள் படம் வெளியாக இன்னும் எத்தனை காலங்கள் இருக்கின்றன என கேட்ட பொழுது இன்னும் ஐந்து நாட்கள்தான் இருக்கிறது என்று அசால்டாக கூறி இருக்கிறார் வெற்றிமாறன்.
இதனை கேட்டு அதிர்ச்சியான டப்பிங் அலுவலகம் யார் இவங்க கிறுக்கா இருப்பீங்களா இன்னமும் இந்த படத்தை டப்பிங் செய்து கொண்டிருக்கிறார்கள் இந்நேரம் படத்தை முடித்து தயாரிப்பாளருக்கு போட்டு காட்டி இருக்க வேண்டுமே என்று யோசித்துள்ளனர் அலுவலகத்தை சேர்ந்தவர்கள். ஆனால் அவ்வளவு சிக்கலிலும் அந்த படத்தை முழுமையாக டப்பிங் முடித்து குறிப்பிட்ட தேதியில் சரியாக வெளியிட்டிருக்கிறார் வெற்றிமாறன். இதனை அவரே ஒரு பேட்டியில் கூறியிருந்தார்.
