Actor Allu Arjun: இங்கு விஜய் அஜித் எப்படி பிரபலமாக இருக்கிறார்களோ அதே போல தெலுங்கில் பிரபலமானவர் நடிகர் அல்லு அர்ஜுன். தமிழில் இவர் நடித்த சில படங்கள் டப்பிங் ஆகி வந்ததன் மூலமாக தமிழ் சினிமா ரசிகரக்ள் மத்தியிலும் இவர் பிரபலமானார். இவர் நடித்த அல வைகுந்தப்புரம் போன்ற படங்கள் இங்கு பிரபலமாக இருந்தன.
இந்த நிலையில் பான் இந்தியா திரைப்படமாக இவர் நடித்த திரைப்படம்தான் புஷ்பா. புஷ்பா திரைப்படம் எதிர்பார்த்ததை விடவும் பெரும் வெற்றியை கொடுத்தது. இதனை தொடர்ந்து புஷ்பாவின் இரண்டாம் பாகத்தை இன்னும் அதிக பொருட் செலவில் எடுக்க திட்டமிட்டனர். தற்சமயம் இந்த படத்தின் படப்பிடிப்பு நடந்துக்கொண்டுள்ளது.
இந்த படத்தில் அல்லு அர்ஜுனுக்கு நண்பனாக ஒரு காமெடி நடிகர் நடித்திருப்பார். இரண்டாம் பாகத்திலும் இவர் முழுக்க முழுக்க அல்லு அர்ஜுனுடன் இருப்பது போலவே காட்சிகள் படமாக்கப்பட்டுள்ளன. இந்த நிலையில் அவர் படத்தில் பணிப்புரிந்த ஒரு பெண்ணிடம் தவறாக நடந்துக்கொள்ள முயற்சி செய்ததாக கூறப்படுகிறது.
இதனையடுத்து கடந்த 6 ஆம் தேதி அந்த பெண் தற்கொலை செய்துகொண்ட குற்றத்தின் அடிப்படையில் இவர் கைது செய்யப்பட்டுள்ளார். இதனையடுத்து படப்பிடிப்பே 2 வாரம் தடைப்பட்டுள்ளது. அவர் முக்கிய கதாபாத்திரமாக இருப்பதால் கண்டிப்பாக படத்திற்கு தேவை என நினைத்த படக்குழு லட்சங்களை செலவு செய்து ஒரு வக்கீலை அமர்த்தி அவரை வெளியே கொண்டு வந்துள்ளனர்.
படத்திற்காக இப்படி அநீதிக்கு துணை நிற்பது சரியா என இதுக்குறித்து மக்கள் கேள்வி எழுப்பி வருகின்றனர்.
