Director Mysskin : தமிழில் கொஞ்சம் மாறுபட்ட சினிமாக்களை எடுக்கும் இயக்குனர்களில் முக்கியமானவர் இயக்குனர் மிஷ்கின். சித்திரம் பேசுதடி திரைப்படம் மூலமாக தமிழ் சினிமாவிற்கு அறிமுகமான மிஷ்கின் அதற்குப் பிறகு எடுத்த அஞ்சாதே திரைப்படம் பெரும் வெற்றியை கண்டது.
அஞ்சாதே திரைப்படத்திற்கு பிறகு மிஷ்கினுக்கு பல பட வாய்ப்புகள் கிடைக்க தொடங்கியது. அவரும் நிறைய திரைப்படங்களை இயக்கி வந்தார் அதன்பிறகு அவருக்கு சினிமாவில் நடிப்பதற்கும் வாய்ப்பு கிடைத்தது. ஏனெனில் அவர் இயக்கிய நந்தலாலா இன்னும் திரைப்படத்தில் முக்கியமான கதாபாத்திரத்தில் அவரே நடித்திருந்தார்.
அதன் மூலமாக அவருக்கு படங்களில் நடிகராக நடிப்பதற்கு வாய்ப்புகள் கிடைத்தன. தற்சமயம் இயக்குனராக கிடைக்கும் வாய்ப்பை விட நடிப்பதற்கு தான் அவருக்கு அதிக வாய்ப்புகள் கிடைக்கிறது. இதற்கு இடையே விஷாலின் நடிப்பில் துப்பறிவாளன் என்கிற திரைப்படத்தை மிஷ்கின் இயக்கியிருந்தார்.
அந்த திரைப்படம் நல்ல வெற்றியை கண்டிருந்தது எனவே அந்த படத்தின் இரண்டாம் பாகத்தையும் படமாக்கினார். ஆனால் இரண்டாம் பாகத்தை படமாக்கும் பொழுது அதில் அதிகமாக செலவு செய்தார் என்று கூறி விஷால் அவரை படத்தில் இருந்து நீக்கினார்.
இதனால் இவர்கள் இருவருக்கும் இடையே பெரும் சண்டை ஏற்பட்டது. இந்த நிலையில் தற்சமயம் அவர் இயக்கி வரும் திரைப்படத்திலும் அதே பிரச்சனை எழுந்து வருவதாக பேச்சுக்கள் இருக்கின்றன. நடிகர் விஜய் சேதுபதியின் நடிப்பில் ட்ரெயின் என்கிற திரைப்படத்தை இயக்கி வருகிறார் மிஷ்கின்.
இந்த திரைப்படத்தின் படப்பிடிப்பில் அதிகமான நேரத்தை படப்பிடிப்புக்காக மிஸ்கின் எடுத்துக் கொள்வதாக கூறப்படுகிறது. காலை 7 மணிக்கு படப்பிடிப்பு துவங்கினாலும் 11 மணிக்கு தான் படப்பிடிப்பை மிஸ்கின் துவங்குகிறாராம்.
இதனால் ஆறு மணிக்கே கிளம்ப வேண்டிய ஊழியர்கள் எட்டு மணி வரை பணிபுரிய வேண்டி இருக்கிறதாம். எனவே அவர்கள் அதற்காக ஊதியத்தை இரண்டு மடங்காக கேட்கிறார்கள் என்று கூறப்படுகிறது. இதனால் தயாரிப்பாளர் கடும் மன உளைச்சலில் இருப்பதாக பேச்சுக்கள் இருக்கின்றன.
