சமீபத்தில் பேட்டி ஒன்றில் வரலெட்சுமி சரத்குமார் பேசிய விஷயம்தான் சமூக வலைத்தளங்களில் தற்சமயம் பேசுப்பொருளாகி உள்ளது.
போடா போடி திரைப்படம் மூலமாக தமிழ் சினிமாவில் கதாநாயகியாக அறிமுகமானவர் நடிகை வரலெட்சுமி சரத்குமார். அந்த திரைப்படம் அவருக்கு பெரிதாக வரவேற்பை பெற்று தரவில்லை. இயக்குனர் விக்னேஷ் சிவனுக்கும் அதுதான் முதல் படமாக இருந்தது.
அதனை தொடர்ந்து அடுத்து சில படங்களில் நடித்த வரலெட்சுமி சரத்குமாருக்கு தாரை தப்பட்டை திரைப்படம் முக்கியமான படமாக அமைந்தது. அந்த படத்திற்கு பிறகு அவருக்கு வாய்ப்புகளும் அதிகமாக கிடைக்க துவங்கின.
இந்த நிலையில் சமீபத்தில் ஒரு பேட்டியில் பேசிய வரலெட்சுமி சரத்குமார் மாத சம்பளம் குறித்து சில விஷயங்களை கூறியிருந்தார். அதில் அவர் பேசும்போது நடிகர்களை விட மாத சம்பளம் வாங்கும் ஊழியர்கள் எவ்வளவோ தேவலை.
அவர்களுக்கு மாதா மாதம் சம்பள தொகை வந்துவிடும். ஆனால் எங்களுக்கு அப்படியில்லை. படம் கிடைத்தால்தான் எங்களுக்கு சம்பளம் கிடைக்கும் என கூறியிருந்தார் வரலெட்சுமி சரத்குமார்.
இந்த நிலையில் இதற்கு பதிலளிக்கும் நெட்டிசன்கள் மாதம் 20,000 சம்பளம் வாங்கும் ஊழியர் 10 வருடம் வேலை பார்த்தால் கூட 25 லட்சத்திற்கு மேல் சம்பளம் வாங்க முடியாது. ஆனால் ஒரு படத்திற்கே கோடிகளில் சம்பளம் வாங்கும் பிரபலங்கள் அவர்களுடன் தங்களை எப்படி சேர்த்து பேசுகின்றனர் என கேள்வி எழுப்பி வருகின்றனர்.
