ஸ்டார் படத்துல எனக்கு வாய்ப்பு கிடைக்காததுக்கு இதுதான் காரணம்!. மனம் திறந்த ஹரிஸ் கல்யாண்!.

தமிழில் வளர்ந்து வரும் நடிகர்களில் முக்கியமானவர் கவின். பிக்பாஸ் நிகழ்ச்சியின் மூலமாக இவர் தமிழ் மக்கள் மத்தியில் அறிமுகமானார். அதனை தொடர்ந்து திரைத்துறையில் பெரும் உயரத்தை தொட வேண்டும் என்பது கவினின் ஆசையாக இருந்தது.

இந்த நிலையில் சினிமாவில் இவர் நடித்த முதல் படம் லிஃப்ட். இந்த படத்திற்கு ஓரளவு வரவேற்பு கிடைத்தது. அதனை தொடர்ந்து அடுத்து அவர் நடித்த திரைப்படம் டாடா. டாடா படத்திற்கு நல்ல அளவில் வரவேற்பு கிடைத்தது.

தற்சமயம் அவர் நடித்து வெளியாக இருக்கும் ஸ்டார் திரைப்படமும் கூட எதிர்பார்ப்பை தூண்டும் விதத்தில்தான் இருக்கிறது. இந்த நிலையில் முதலில் ஸ்டார் திரைப்படத்தில் நடிக்க இருந்தது நடிகர் ஹரிஸ் கல்யாண் என கூறப்படுகிறது.

எனவே ஒரு பேட்டியில் இதுக்குறித்து ஹரிஸ் கல்யாண் கூறும்போது அந்த படத்தில் நான் கமிட் ஆனப்போது படம் தொடர்பாக நிறைய இழுப்பறிகள் சென்றன. அதை இப்போது கூறினால் அது தற்போதைய ஹீரோவை பாதிக்கும். எனவே நான் அதை சொல்ல விரும்பவில்லை.

அதே சமயம் ஐயோ இந்த படத்தின் வாய்ப்பு நமக்கு போய்விட்டதே என்றும் நான் நினைக்கவில்லை. இந்த வாய்ப்பு கிடைக்காமல் போனால் இதை விட நல்ல வாய்ப்பு கிடைக்கும் என நம்புகிறேன் என பதிலளித்துள்ளார் ஹரிஷ் கல்யாண்.