சில நேரங்களில் இயக்குனர் நடிகர்கள் என்று இருவருக்குமே ஒரு திரைப்படம் முக்கிய திரைப்படமாக அமைந்துவிடும். எப்போதாவது ஒருமுறை தமிழ் சினிமாவிலும் மற்ற சினிமாவிலும் இந்த மாதிரி நடக்கும்.
அந்த மாதிரி விஜய் சேதுபதிக்கும் இயக்குனர் சீனு ராமசாமிக்கும் முக்கிய படமாக அமைந்த திரைப்படம் தென்மேற்கு பருவக்காற்று. அந்த திரைப்படத்தில் விஜய் சேதுபதி கதாநாயகனாக நடித்தார். சீனு ராமசாமி அதை இயக்கினார்.
இருவருமே அப்போது பிரபலமாக இல்லை. ஆனால் பிறகு இருவரும் பிரபலம் அடைந்த பிறகு அவர்கள் இருவரும் சேர்ந்து தர்மதுரை என்கிற திரைப்படத்தை உருவாக்கினர். ஆனால் அந்த படம் பெரும் வரவேற்பை பெற்றது. இதனை அடுத்து மீண்டும் இவர்கள் இருவரும் இணைந்து மாமனிதன் என்கிற படத்தை உருவாக்கினர்.
இயக்குனருக்கு நடந்த நிகழ்வு:
இந்த நிலையில் சமூக வலைதளங்களில் தொடர்ந்து பெரிய பிரபலங்களை குறித்து மோசமாக விமர்சிப்பது சகஜமான விஷயமாக மாறிவிட்டது. அப்படி சீனு ராமசாமிக்கு நடந்த நிகழ்வு குறித்து அவர் கூறி இருக்கிறார். அதில் அவர் கூறும்பொழுது ஒரு நாள் நான் ஒரு படத்தின் போஸ்டரை போட்டபொழுது அதன் கமெண்டில் வந்து ஒரு பையன் கெட்ட வார்த்தையில் என் படத்தை திட்டி இருந்தான்.
நான் அவனது புகைப்படத்தை பார்த்த பொழுதே இவனை எங்கேயோ பார்த்த மாதிரி இருக்கிறதே என்று யோசித்துக்கொண்டிருக்கிறேன் பிறகுதான் தெரிந்தது. அவன் அருகில் உள்ள கொரியர் ஆபீஸில் வேலை செய்யும் பையன் என்று.
பிறகு வேகமாக நான் அந்த கொரியர் ஆபீஸ்க்கு சென்றேன். சென்று அவனை அழைத்தேன். அவனும் வந்து என்னிடம் பேசினான் அப்பொழுது அவனிடம் அந்த போஸ்டரை காண்பித்து ஏன் இப்படி திட்டி வைத்திருக்கிறாய் என்று கேட்டேன். அதனை பார்த்துவிட்டு இது உங்க படமா சார் தெரியாது என்று சகஜமாக கூறினான் அந்த பையன் என்று அந்த நிகழ்வை பகிர்ந்திருக்கிறார் சீனு ராமசாமி.
