The teaser of the long-awaited film Vidamuyarchi starring actor Ajith has been released.
2023 ஆம் ஆண்டு வெளியான துணிவு திரைப்படத்திற்கு பிறகு நடிகர் அஜித் நடிப்பில் எந்த ஒரு திரைப்படமும் திரைக்கு வராமல் இருந்து வந்தது. கிட்டத்தட்ட இரண்டு வருடங்கள் முடிவடைய போகும் இந்த நிலையில் விடாமுயற்சி திரைப்படத்தின் டீசர் தற்சமயம் வெளியாகியிருக்கிறது.
விடாமுயற்சி திரைப்படத்தின் படபிடிப்பு பல மாதங்களாக நடந்தது. இதனால் ரசிகர்கள் பலருமே எப்பொழுது படம் வரும் என்று ஏக்கத்தில் இருந்தனர். ஆனால் அந்த ஏக்கத்தை எல்லாம் பூர்த்தி செய்யும் வகையில் படத்தின் டீசர் அமைந்திருக்கிறது.
கிட்டத்தட்ட இந்த திரைப்படம் பார்ப்பதற்கு ஹாலிவுட் திரைப்படம் போல இருக்கிறது. முழுக்க முழுக்க நெடுஞ்சாலைகயில் நடக்கும் ஒரு கதையாகதான் இந்த படத்தின் கதை இருக்கிறது. அஜித் மட்டுமே தனியாக நின்று போராடும் ஒரு கதைக்களமாக படத்தின் கதைகளம் அமைந்திருக்கிறது.
படத்தின் கதை:
இந்த படத்தின் படப்பிடிப்பு நடந்து கொண்டிருந்த பொழுது பிரேக் டவுன் என்கிற ஹாலிவுட் திரைப்படத்தின் கதைதான் இந்த படம் என்று கூறப்பட்டு வந்தது. அதனை நிரூபிக்கும் வகையில் இதன் டீசர் அமைந்திருக்கிறது பிரேக் டவுன் திரைப்படத்தைப் பொறுத்தவரை கதாநாயகனும் அவருடைய மனைவியும் ஒரு காரில் நெடுஞ்சாலையில் பயணம் செய்து கொண்டிருப்பார்கள்.
அப்பொழுது நெடுஞ்சாலையில் கார் பஞ்சாராகிவிடும். எனவே அங்கு உதவி செய்ய வரும் லாரி ட்ரைவர் டவுனுக்கு சென்று வண்டி அனுப்புவதாக கூறுவார். எனவே கதாநாயகனின் மனைவியும் அந்த நபருடன் செல்வார். பிறகு அவரது மனைவியை பற்றிய தகவலே கிடைக்காது.
அப்பொழுது நெடுஞ்சாலையில் சில மர்ம நபர்கள் கதாநாயகனின் மனைவியை கடத்தி விட்டனர் என தெரிய வரும். அவர்கள் கொடுக்கும் சில வேலைகளை செய்து முடிக்க வேண்டும் மேலும் ஒரு பெரிய தொகையை அவர்களுக்கு கொடுக்க வேண்டும் அப்பொழுதுதான் மனைவியை விடுவோம் என்று அவர்கள் கூறி விடுவார்கள்.
இந்த நிலையில் திடீரென்று காணாமல் போன மனைவியை இந்த நெடுஞ்சாலைக்குள்ளாகவே எப்படி கதாநாயகன் கண்டுபிடிக்கிறார் என்பதுதான் பிரேக் டவுன் திரைப்படத்தின் கதையாக இருக்கும். கிட்டத்தட்ட அதே கதை அம்சத்தை கொண்டிருக்கும் ஒரு கதையாக விடாமுயற்சி இருக்கும் என்று டீசர் மூலம் தெருகிறது இந்த டீசர் எதிர்பார்ப்பை அதிகப்படுத்தி இருக்கிறது.
