Actor Prithiviraj: தற்சமயம் மலையாள சினிமாக்களுக்கு தமிழில் நிறைய வரவேற்புகள் வர துவங்கி இருக்கின்றன. ஏற்கனவே வெளியாகி இருந்த பிரம்மயுகம் திரைப்படமே 50 கோடி ரூபாய் வசூல் செய்தது.
இந்த நிலையில் மஞ்சுமல் பாய்ஸ் திரைப்படம் 150 கோடியை தாண்டி இன்னமும் வசூல் கொடுத்துக் கொண்டிருக்கிறது. யாருமே எதிர்பார்க்காத அளவிலான ஒரு வெற்றியை மஞ்சுமல் பாய்ஸ் திரைப்படம் கொடுத்திருக்கிறது.
இதனை தொடர்ந்து தமிழில் நல்ல திரைப்படங்களே வருவது இல்லையா எதற்கு மலையாள திரைப்படத்திற்கு இப்படி ஒரு வரவேற்பு கிடைத்துள்ளது என்று பேச்சுக்கள் எழுந்துள்ளன. இந்த நிலையில் தமிழில் அறிமுகமாகி தற்சமயம் மலையாளத்தில் அதிகமாக திரைப்படங்களை நடித்து வரும் நடிகர் பிருத்திவிராஜ் இதை குறித்து பேசும் பொழுது சில கருத்துக்களை முன்வைத்தார்.
தமிழில் எடுக்கப்பட்ட ஜெயிலர் லியோ ஆகிய இரண்டு திரைப்படமும் கேரளாவில் வெளியான பொழுது முதல் ஒரு வாரத்திற்கு கேரளாவில் டிக்கெட் கிடைக்கவில்லை. கேரள மக்களும் தமிழ் படங்களை விரும்பி பார்க்கின்றனர்.
அதைத்தான் தமிழ் மக்களும் செய்கின்றனர் அதற்காக தமிழ் சினிமாவில் தரமான இயக்குனர்கள் என்று இல்லை என்று கூற முடியாது வெற்றிமாறன் மாரி செல்வராஜ் பா. ரஞ்சித் மாதிரியான இயக்குனர்கள் சிறப்பான அரசியல் சார்ந்த திரைப்படங்களை இயக்குகின்றனர். அதேபோல கமர்சியல் ஆன திரைப்படங்களை இயக்குவதற்கு இயக்குனர் சங்கர் மாதிரியான இயக்குனர்கள் தமிழ் சினிமாவில் இருக்கின்றனர்.
எல்லா வருடமும் தமிழ் சினிமாவில் சிறப்பான திரைப்படங்கள் வந்து கொண்டு தான் இருக்கின்றன எனவே மலையாளத்தில் மட்டும்தான் நல்ல படங்கள் வருகிறது என்று கூறுவதே முதலில் தவறு என்று கூறுகிறார் பிரித்திவிராஜ்.
