எங்க மேல வழக்கு போட்டு என்ன ப்ரோயஜனம்!.. நல்ல படமா இருந்தா ஓடியிருக்கும்!.. விஜய் தேவரகொண்டாவை கலாய்க்கும் நெட்டிசன்கள்!.

தமிழ் சினிமாவில் ஒரு சிவகார்த்திகேயன் போல தெலுங்கு சினிமாவில் பிரபலமான நடிகராக விஜய் தேவரகொண்டா இருந்து வருகிறார். தெலுங்கு மட்டுமின்றி தமிழ் சினிமாவிலும் இவருக்கு வரவேற்பு இருந்து வருகிறது. இவர் நடித்த அர்ஜுன் ரெட்டி திரைப்படத்தை தமிழ் ரசிகர்கள் பலரும் பார்த்தனர்.

மேலும் இவர் நடித்த கீதா கோவிந்தம் திரைப்படத்திற்கு ரசிகர்கள் மத்தியில் நல்ல வரவேற்பு உண்டு. அதனை தொடர்ந்து டியர் காம்ரேட், டாக்ஸி வாலா போன்ற அவரது சில படங்கள் தமிழ் டப்பிங்கில் வந்த காரணத்தால் இவருக்கு தமிழில் ஓரளவு வரவேற்பு உண்டு.

எவ்வளவு வேகத்திற்கு சினிமாவில் பெரும் உயரத்திற்கு வந்தாரோ அதே அளவிற்கு சரிவை கண்டு வருகிறார் விஜய் தேவரக்கொண்டா. இதற்கு முன்பு இவர் நடித்த லைகர் திரைப்படமே பெரும் தோல்வியை கண்டது. இதனை அடுத்து அவருக்கு வாய்ப்புகள் குறைந்தன.

பிறகு வெளியான குஷி திரைப்படம் ஓரளவு வரவேற்பை பெற்றது. இந்த நிலையில் தற்சமயம் அவர் நடிப்பில் வெளியாகி இருக்கும் திரைப்படம் த பேமிலி ஸ்டார். இந்த திரைப்படத்திற்காக அதிகமாக விளம்பரம் செய்தனர். பல யூ ட்யூப் சேனல்களுக்கு இதற்காக பேட்டி கொடுத்தார் விஜய் தேவரக்கொண்டா.

ஆனால் வெளியான பிறகு இந்த படத்திற்கு அவ்வளவாக வரவேற்பு கிடைக்கவில்லை. படத்தின் தயாரிப்பு செலவில் பாதி தொகை கூட வரவில்லை என்று கூறப்படுகிறது. இந்த நிலையில் இதற்கெல்லாம் பட விமர்சகர்கள்தான் காரணம் என புலம்புகிறாராம் படத்தின் தயாரிப்பாளர் தில்ராஜ்.

இந்த நிலையில் நடிகர் விஜய் தேவரக்கொண்டா இன்னும் ஒரு படி மேலே போய் படம் குறித்து எதிர்மறையான விமர்சனம் கொடுத்த யூ ட்யூப் சேனல்கள் மீது வழக்கு பதிவு செய்துள்ளாராம். நல்ல படங்களில் நடித்தால் ஏன் எதிர்மறை விமர்சனங்கள் வர போகிறது என இதுக்குறித்து கருத்து தெரிவித்து வருகின்றனர் நெட்டிசன்கள்.