Latest News
வீட்டுக்கு போய்ட்டு வாங்க அட்லீ!.. டாடா காட்டி அனுப்பிய விஜய்!.. அட்லீக்கே இந்த நிலைமையா?
இதுவரை நடித்த படங்களை விடவும் இறுதியாக நடிக்கவிருக்கும் திரைப்படம் குறித்துதான் மிகுந்த பயத்துடன் இருக்கிறாராம் தளபதி விஜய். பொதுவாக விஜய் நடிக்கும் எந்த திரைப்படத்திற்கும் அதன் வெற்றி தோல்வி குறித்து பெரிதாக அலட்டிக்கொள்ள மாட்டார்.
அவருக்கு கதை பிடித்திருந்தால் நடித்து விடுவார். பீஸ்ட் திரைப்படத்தில் அவர் நடித்தப்போது கூட இப்படிதான் கலவையான விமர்சனங்கள் அந்த திரைப்படம் குறித்து வந்தது. ஆனால் விஜய் அது குறித்து எல்லாம் கவலைப்படவில்லை.
இந்த நிலையில் தற்சமயம் கோட் திரைப்படத்தில் நடித்து வருகிறார் தளபதி. கோட் திரைப்படத்தில் இரண்டு விஜய் இருக்கின்றனர் என்பதே படத்தின் மீது ஆர்வத்தை ஏற்படுத்தும் சங்கதியாக இருந்து வருகிறது. இதற்கு அடுத்து தன்னுடைய கடைசி திரைப்படத்தை ஒரு அரசியல் திரைப்படமாகதான் இயக்க வேண்டும் என்று முடிவில் இருக்கிறாராம் விஜய்.
கதைப்படி விஜய் அதில் முதலமைச்சராக இருக்க வேண்டும் என்பது அவரது நிபந்தனையாம். இந்த நிலையில் இந்த திரைப்படத்தை யார் இயக்க போகிறார்கள் என்கிற கேள்வி வெகுநாட்களாக இருந்து வருகிறது. பொதுவாகவே விஜய் ஒரு படம் நடிக்கும்போதே அடுத்த படத்திற்கான அப்டேட்டை கொடுத்துவிடுவார்.
ஆனால் இந்த திரைப்படத்தை பொறுத்தவரை இன்னமும் எந்த அப்டேட்டும் வரவில்லை. இறுதியாக அட்லீதான் இந்த திரைப்படத்தை இயக்க போகிறார் என்று பேச்சுக்கள் இருந்தன. ஆனால் இப்போது அட்லீயையும் நிராகரித்துவிட்டாராம் தளபதி.
கொஞ்சம் அரசியல் அறிவு கொண்ட வெற்றிமாறன், மாரி செல்வராஜ் அல்லது ஜெய்பீம் இயக்குனர் தா.செ ஞானவேல் போன்ற இயக்குனர்கள் திரைப்படத்தில் நடிப்பதற்கு ஆர்வம் காட்டுகிறாராம் விஜய். இதனால் மீண்டும் பாலிவுட்டிற்கே சென்றுவிட்டார் அட்லீ என்று ஒரு பேச்சு சென்றுக்கொண்டுள்ளது.