இதுக்கூட தெரியாமதான் படிப்ப பத்தி பேச வந்தியா!.. ஜோவிகாவை வறுத்தெடுக்கும் நெட்டிசன்கள்…

தமிழில் ஆரம்பிக்கப்பட்ட காலம் முதலே பிக் பாஸ் நிகழ்ச்சி தொடர்ந்து வெற்றிகரமாக ஒளிபரப்பாகி கொண்டுள்ளது. தற்சமயம் அதன் ஏழாவது சீசன் மக்கள் மத்தியில் கொஞ்சம் கொஞ்சமாக வரவேற்பை பெற்று வருகிறது.

இதில் வனிதா விஜயகுமாரின் மகளான ஜோவிகா விஜயகுமார் பங்கு பெற்றுள்ளார் இருக்கும் போட்டியாளர்களிலேயே மிகக் குறைந்த வயது உடையவராக ஜோவிகா விஜயகுமார் இருக்கிறார். ஆனால் சண்டை என வரும் பொழுது அவர் வனிதாவை போலவே இறங்கி சண்டை செய்கிறார் என்று ரசிகர்கள் மத்தியில் பேச்சு உண்டு. ஒருமுறை படிப்பு முக்கியமில்லை என்கிற ரீதியில் மிக கடுமையாக பேசியிருந்தார் ஜோவிகா.

இந்த நிலையில் இன்று பிக் பாஸில் ஸ்மால் ஹவுஸிற்கு மாற்றப்பட்டுள்ளார் ஜோவிகா. ஸ்மால் ஹவுஸில் புது திட்டங்களை வகுத்த ஸ்மால் பாஸ் யாராவது ஒருவரை அழைத்து கன்ஃபர்சன் ரூமில் அந்த திட்டத்தை எடுத்து படிக்க சொன்னார்.

அதை எடுப்பதற்கு அனைவரையும் முந்திக்கொண்டு வேகமாக ஜோவிகா சென்றார். அங்கு சென்று அதை எடுத்த பொழுதுதான் தெரிந்தது அந்த ரூல்ஸ் அனைத்தும் தமிழில் எழுதப்பட்டிருந்தன அப்போது அதனை பார்த்த ஜோவிகா பிக்பாஸ் எனக்கு தமிழ் படிக்க தெரியாது என்று கூறியுள்ளார்.

இதனை அடுத்து பிக் பாஸ் பிரதீப்பை உள்ளே அழைத்து அதை படித்துக் காட்டுமாறு கூறியுள்ளார். முக்கியமாக ஜோவிகாவிற்கு தமிழ் படிக்க தெரியாது என்கிற விஷயம் இந்த பிக் பாஸ் நிகழ்ச்சி மூலமாக பொதுமக்களுக்கும் தெரிந்து விட்டது.

இதனை அடுத்து அனைவரும் அவரை கலாய்க்க துவங்கிவிட்டனர் படிப்பு முக்கியமில்லை என்று கூறியதன் விளைவு தான் இது, தமிழே படிக்க தெரியாமல் தான் படிப்பின் முக்கியத்துவத்தை பற்றி பேசினாயா என்று கேட்க துவங்கியுள்ளனர் இணையவாசிகள்!.