Latest News
மீண்டும் போலீசாக களம் இறங்கும் ரஜினி ! – ரஜினி அடுத்த படத்தின் அப்டேட்!
போன வருடம் பொங்கலை முன்னிட்டு நடிகர் ரஜினி நடிப்பில் வெளியான திரைப்படம் அண்ணாத்த. அந்த படத்திற்கு பிறகு ஒரு வருடத்திற்கு மேல் ஆகியும் இன்னும் எந்த ரஜினி படமும் வெளிவரவில்லை.
தற்சமயம் இயக்குனர் நெல்சன் இயக்கத்தில் ரஜினி நடிக்கும் ஜெயிலர் திரைப்படம் தயாராகி வருகிறது. தெலுங்கு, கன்னடம், மலையாளம் என தென்னிந்தியாவில் பிரபலமாக உள்ள பல நட்சத்திரங்கள் இந்த படத்தில் நடிப்பதால் இதற்கு ரசிகர்கள் மத்தியில் வரவேற்பு அதிகரித்து வருகிறது.
இதற்கு அடுத்ததாக ஜெய் பீம் திரைப்பட இயக்குனர் ஞானவேல் இயக்கத்தில் ரஜினி அடுத்த படத்தை நடிக்க உள்ளார். இந்த ஆண்டின் முடிவிற்குள் இந்த படத்திற்கான படப்பிடிப்பு வேலைகள் துவங்கும் என எதிர்பார்க்கப்படுகிறது.
இதற்கிடையே இந்த படத்தில் ரஜினி போலீஸாக நடிப்பதாக கூறப்படுகிறது. ஏற்கனவே ரஜினி போலீஸாக நடித்த தர்பார் திரைப்படம் மக்கள் மத்தியில் அவ்வளவாக வரவேற்பை பெறவில்லை.
ஆனால் இந்த படத்தை ஞானவேல் இயக்குவதால் அவர் சமூகத்திற்கு உதவும் கருத்துக்களை இதில் சேர்த்திருக்கலாம் என எதிர்பார்க்கப்படுகிறது. எனவே இந்த படத்திற்கு மக்கள் மத்தியில் வரவேற்பு அதிகரித்து வருகிறது.