சேசு கடைசியாக அனுப்பிய அந்த மெசேஜ்!.. மனம் நொந்து கூறிய இயக்குனர்!..

லொள்ளு சபா நிகழ்ச்சியின் மூலமாக மக்கள் மத்தியில் பிரபலமானவர் நகைச்சுவை நடிகர் சேஷ். நகைச்சுவை நடிகராக லொள்ளு சபா நிகழ்ச்சியிலேயே மிக சிறப்பாக நடித்திருப்பார் சேசு. சந்தானம் திரையுலகில் வளர துவங்கிய போது சின்ன சின்ன நகைச்சுவை நடிகர்கள் பலருக்கும் வாய்ப்பு கொடுத்தார்.

அதில் சேசுவும் முக்கியமானவர் ஏ1 படத்தில் சேசுவின் கதாபாத்திரத்திற்கு நல்ல வரவேற்பு கிடைத்தது. அதனை தொடர்ந்து ஐயர், சாமியார் மாதிரியான கதாபாத்திரங்கள் அவருக்கு அதிகமாக கிடைக்க துவங்கின. இந்நிலையில் சில நாட்களுக்கு முன்பு அவருக்கு உடல்நிலை பிரச்சனை ஏற்பட்டதை அடுத்து காவேரி மருத்துவமனையில் அவரை சேர்த்திருந்தனர்.

தொடர்ந்து 15 நாட்கள் சிகிச்சை அளிக்கப்பட்டு வந்த நிலையில் சிகிச்சை பலனின்றி சேசு காலமானார். இந்த நிலையில் திரைத்துறையை சேர்ந்த அவரது நண்பர்கள் பலரும் அவருக்கு அஞ்சலி செலுத்தி வருகின்றனர். அந்த வகையில் வடக்குப்பட்டி ராமசாமி படத்தின் இயக்குனரான கார்த்திக் யோகியும் சேசு குறித்து பேசியுள்ளார்.

அவர் கூறும்போது சேசுவிற்கு 60 வயது என்றே எனக்கு தெரியாது அவருக்கு 45 வயதாகிறது என்றே நினைத்திருந்தேன். ஆள் பார்ப்பதற்கு மிக ஆக்டிவாக இருப்பார். வடக்குப்பட்டி ராமசாமி திரைப்படத்தில் நடனம் ஆடும் காட்சிக்கு கேட்டப்போது கூட அதுக்கென்னப்பா செஞ்சிடலாம் என அசால்ட்டாக நடித்தார். இப்போது மருத்துவமனையில் அவரை அனுமதிக்கும்போதுதான் அவருக்கு 60 வயது என்பதே எனக்கு தெரியும்.

என்னப்பா எப்போது சாமியார், பூசாரி என்றே கதாபாத்திரம் தருகிறீர்கள். எனக்கு போலீசாக நடிக்க ஆசை என சேசு கூறியிருந்தார். இதனால் அடுத்து இயக்கும் படத்தில் அவருக்காகவே ஒரு போலீஸ் கதாபாத்திரத்தையும் எழுதி வைத்துள்ளேன். ஆனால் நடிப்பதற்கு இப்போது அவர் இல்லை.

மருத்துவமனையில் அட்மின் ஆன சமயத்தில் கூட அந்த பரதநாட்டியம் வீடியோ யூ ட்யூப்பில் ட்ரெண்ட் ஆயிடுச்சு என மெசேஜ் செய்து மிகவும் மகிழ்ச்சி தெரிவித்திருந்தார் சேசு என மனம் வருந்தி கூறுகிறார் கார்த்திக் யோகி.