முன்பெல்லாம் தமிழ் சினிமாவில் ஒரு திரைப்படத்திற்கு இரண்டாம் பாகம் வருவது என்பதெல்லாம் நடக்காத காரியமாக இருந்தது. ஆனால் இப்போது அப்படி இரண்டு பாகங்களாக வரும் திரைப்படங்களுக்கு நல்ல வரவேற்பு இருந்து வருவதால் அந்த மாதிரியான திரைப்படங்களை இயக்குனர்களும் இயக்கி வருகின்றனர்.
வெற்றிமாறன் கூட வட சென்னை,விடுதலை என அவர் இயக்கும் திரைப்படங்களை எல்லாம் இரண்டு பாகத்திற்கே இயக்கி வருகிறார். இந்த நிலையில் ஒரு காலத்தில் தன்னுடைய நடிப்பில் பெரும் ஹிட் கொடுத்த திரைப்படங்களின் இரண்டாம் பாகங்களை எடுப்பதற்கு களம் இறங்கி இருக்கிறார் இயக்குனர் ஷங்கர்.
எப்போதுமே இயக்குனர் ஷங்கர் இயக்கத்தில் சிறப்பான படம் எது என்று கேட்டால் இந்தியன் அல்லது முதல்வன் திரைப்படத்தைதான் மக்கள் கூறுவார்கள், இந்த நிலையில் இந்தியன் திரைப்படத்திலும் கூட க்ளைமேக்ஸில் இந்தியன் தப்பிப்பதாகதான் கதை இருக்கும்.
இந்த நிலையில் இந்தியாவில் மீண்டும் லஞ்சம் தலைவிரித்தாட இந்தியன் மீண்டும் எண்ட்ரி கொடுப்பதாக அடுத்த பாகத்தை இயக்கி வருகிறார் ஷங்கர். இந்தியன் படத்தை பொறுத்தவரை அதன் மூன்றாவது பாகத்தையும் சேர்த்து இயக்கி வருகின்றனர்.
இதனை தொடர்ந்து இந்தியன் 2 விற்கு வரவேற்பு கிடைக்கும் பட்சத்தில் அடுத்து முதல்வன் திரைப்படத்திலும் இரண்டாம் பாகத்தை இயக்க இருப்பதாக பேச்சுக்கள் உள்ளன. ஆனால் இந்தியன் திரைப்படத்தில் வருவது போல இதில் ஓப்பன் க்ளைமேக்ஸ் வைக்கவில்லையே என்பது பலரது கேள்வியாக இருக்கிறது.
ஆனால் கதைப்படி அர்ஜுன் முதல்வர் ஆவது வரைதான் கதை இருக்கிறது. அவர் முதல்வர் ஆனப்பிறகு அவருக்கு வரும் பிரச்சனைகளை கதைக்களமாக கொண்டு முதல்வன் 2 திரைப்படம் இருக்கும் என கூறப்படுகிறது.
