Tamil Trailer
டாடா இயக்குனரின் அடுத்த படைப்பு.. ஆளுங்கட்சியை சாடும் ரவி மோகனின் கராத்தே பாபு.!
WhatsApp
Facebook
X
Threads
Instagram
சமீப காலங்களாகவே நடிகர் ரவி மோகனுக்கு பெரிதாக வெற்றி படங்கள் என்று எதுவுமே அமையவில்லை. இறுதியாக அவருக்கு பெரிய வெற்றியை கொடுத்த திரைப்படம் என்றால் அது பொன்னியின் செல்வன் திரைப்படம்தான். அதுவும் பல நட்சத்திரங்கள் நடித்த திரைப்படம் என்பதால் அதை ரவி மோகனின் வெற்றி படமாக எடுத்துக்கொள்ள முடியாது.
ஆனால் அதற்கு பிறகு வெளிவந்த அகிலன், இறைவன்,சைரன் மாதிரியான படங்கள் எல்லாம் அவருக்கு வெகுவாக தோல்வியை ஏற்படுத்தி கொடுத்தன. சமீபத்தில் வெளியான ப்ரதர் திரைப்படம் கூட பெரிய வெற்றியை பெற்று தரவில்லை.
அதனை தொடர்ந்து இனி நடிக்கும் திரைப்படங்களின் மீது அதிக கவனம் செலுத்தி வருகிறார் ரவி மோகன். அந்த வகையில் அடுத்து சுதா கொங்காரா இயக்கத்தில் சிவகார்த்திகேயன் நடிக்கும் திரைப்படத்தில் ரவி மோகன் வில்லனாக நடிக்கிறார்.
தற்சமயம் இவர் தனது பெயரை ரவி மோகன் என மாற்றிய நிலையில் டாடா திரைப்படத்தை இயக்கி வெற்றி கொடுத்த இயக்குனர் கணேஷ் கே பாபு இயக்கத்தில் கராத்தே பாபு என்கிற திரைப்படத்தில் நடிக்கிறார்.
இந்த திரைப்படத்தின் டீசர் தற்சமயம் வெளியானது. அதனை வைத்து பார்க்கும்போது ஆர்.கே நகர் தொகுதியின் சட்டமன்ற உறுப்பினராக ரவி மோகன் இருக்கிறார். அவரது பெயர் முன்பு கராத்தே பாபு என இருந்துள்ளது. பிறகு அரசியலுக்கு வந்த பிறகு அவர் பெயரை மாற்றி வைத்துள்ளார்.
இதில் வரும் முதலமைச்சர் கதாபாத்திரம் தமிழ் மீது பற்றுள்ளதாக இருக்கிறது. எனவே படத்தில் ஆளுங்கட்சியைதான் வம்பிழுத்து உள்ளனர் என்கின்றனர் ரசிகர்கள்.
மேலும் நான் என் பெயரை மாற்றியுள்ளேன் என கூறும் போது ஜெயம் ரவி என்கிற பெயர் ரவி மோகன் என மாறுகிறது. இதன் மூலம் தனது பெயர் மாறியதையும் ரவி மோகன் சூசகமாக உணர்த்தியுள்ளார்.
