குறைந்த பட்ஜெட்டில் வரும் படங்களில் நடிக்கும் ஹீரோக்களும் குறைந்த அளவில்தான் சம்பளம் பெறுகின்றனர். அந்த வகையில் நடிகர் ஆர்.ஜே பாலாஜியும் கூட குறைந்த அளவில் வருமானம் பெறும் நடிகராக உள்ளார் என்றாலும் அவர் முன்பு நடித்த மூக்குத்தி அம்மன் மற்றும் எல்.கே.ஜி இரண்டு திரைப்படங்களுமே வித்தியாசமான கதைகளத்தை கொண்ட, மக்களால் மிகவும் பேசப்பட்ட திரைப்படங்களாக இருந்தன.
இதனால் அவர் நடித்து தற்சமயம் வெளியான வீட்ல விசேஷம் திரைப்படத்திற்கும் கூட மக்களிடையே அதிக வரவேற்பு உண்டு. இந்த திரைப்படமும் வித்தியாசமான கதைகளத்தை கொண்டே அமைந்துள்ளது.
இந்த படத்தை ப்ரோமோட் செய்வதற்கு பல்வேறு யுக்திகளை பயன்படுத்தி வருகிறார் ஆர்.ஜே பாலாஜி.
ஏற்கனவே பிரபல யூ ட்யூப் சேனல் ஒன்றில் தனது பட ப்ரோமோஷனுக்காக நிகழ்ச்சி ஒன்றை நடத்தியிருந்தார். இந்நிலையில் நேற்று விஜய் டிவியில் ஒளிப்பரப்பான குக்கு வித் கோமாளி தொடரிலும் கூட ஆர்.ஜே பாலாஜி தோன்றியுள்ளார்.
எப்படி இருந்தாலும் இந்த படம் நல்ல வரவேற்பை பெறும் என எதிர்ப்பார்க்கப்படுகிறது.
