சத்யராஜ் மணிவண்ணன் கூட்டணியில் ஒரே நாளில் வெளியாகி ஹிட் அடித்த இரண்டு படங்கள்! – என்ன படம் தெரியுமா?

தமிழ் சினிமாவில் பொதுவாக இயக்குனர்கள் படம் எடுக்கும் பொழுது ஒரு நேரத்தில் ஒரு நாயகனை வைத்து ஒரு படம் தான் இயக்குவார்கள். ஆனால் எம்.ஜி.ஆர் சிவாஜி காலகட்டங்களில் ஒரே நேரத்தில் ஒரு இயக்குனர் பலரை வைத்து பல படங்களை இயக்குவது உண்டு. அதேபோல கதாநாயகர்களும் கூட ஒரே நேரத்தில் பல படங்களில் நடிப்பது உண்டு.

எப்போதும் ஒரே நாளில் படம் வெளியாகிறது என்றால் போட்டி நடிகர்களின் படங்கள்தான் வெளியாகும். உதாரணத்திற்கு கடந்த பொங்கலின்போது வெளியான வாரிசு மற்றும் துணிவு திரைப்படத்தை கூறலாம். ஆனால் ஒரே கதாநாயகன் நடித்து, ஒரே இயக்குனர் இயக்கி, ஒரே நாளில் வெளியான 2 திரைப்படங்கள் பற்றி தெரியுமா?

1980 களில் நடிகர் சத்யராஜை வைத்து இயக்குனர் மணிவண்ணன் வரிசையாக ஹிட் படங்களாக கொடுத்து வந்தார். அந்த சமயத்தில் மணிவண்ணிடம் இரண்டு கதைகள் இருந்தன அந்த இரண்டு கதைகளுமே சத்யராஜுக்கு பொருத்தமான கதைகளாக இருந்தன.

எனவே மணிவண்ணன் ஒரு முடிவெடுத்தார். ஒரே சமயத்தில் சத்யராஜை வைத்து அந்த இரண்டு படங்களையும் படமாக்கினார் மணிவண்ணன்.

படமாக்கியதோடு நிறுத்தாமல் அந்த இரு படங்களையும் ஒரே நாளிலேயே திரையில் வெளியிட்டார் மணிவண்ணன். அதில் ஒன்று விடிஞ்சா கல்யாணம் என்கிற திரைப்படம் மற்றொன்று பாலைவன ரோஜாக்கள் என்கிற திரைப்படம். இந்த இரண்டு திரைப்படங்களுமே நவம்பர் 1 1986 அன்று திரையில் வெளியானது.

இரண்டு திரைப்படங்களுமே 100 நாட்கள் ஓடி ஹிட் அடித்தது. தமிழ் சினிமா வரலாற்றிலேயே ஒரு ஹீரோ நடித்து ஒரே நாளில் வெளியாகி ஹிட் அடித்த திரைப்படங்கள் என்றால் அது இந்த இரண்டு திரைப்படங்கள்தான் என கூறப்படுகிறது.