News
அடுத்த ஹிட்டுக்கு தயாராகும் சூர்யா! சூரரை போற்று படக்குழுவுடன் பேச்சு!
WhatsApp
Facebook
X
Threads
Instagram
தற்சமயம் வந்த திரைப்படங்களில் நடிகர் சூர்யாவிற்கு நல்ல வரவேற்பை பெற்ற திரைப்படம் சூரரை போற்று. 2020 இல் கொரோனா சமயம் என்பதால் அனைத்து படங்களும் ஓ.டி.டி வாயிலாகவே வெளியாகின.
சூரரை போற்று திரைப்படமும் கூட அப்படியே வெளியானது. ஆனால் மக்களிடையே பெரும் வரவேற்பை பெற்றது சூரரை போற்று திரைப்படம். படத்தை திரையரங்குகளில் வெளியிட்டிருக்கலாமோ என சிந்திக்க வைத்தது.
இயக்குனர் சுதா கொங்காரா இந்த படத்தை இயக்கினார். இந்த படத்தின் வெற்றியை தொடர்ந்து சூரரை போற்று படத்தை அக்ஷய் குமாரை வைத்து ஹிந்தியில் படமாக்கி வருகிறார். இந்த நிலையில் மீண்டும் ஒரு பயோபிக் படம் எடுக்கலாம் என முடிவு செய்துள்ளார் சுதா கொங்கரா.
இந்தியாவின் முக்கியமான தொழிலதிபரான ரத்தன் டாடாவின் கதையை படமாக்கலாம் என முடிவு செய்துள்ளார். தமிழில் இந்த படத்தில் கதாநாயகனாக சூர்யா நடிக்க உள்ளார், ஹிந்தியில் அபிஷேக் பச்சன் நடிக்க உள்ளார் என தகவல்கள் வெளியாகியுள்ளன.
இந்த படம் சூரரை போற்று படத்தை விடவும் நல்ல வசூல் கொடுக்கலாம் என எதிர்ப்பார்க்கப்படுகிறது.
