Tag Archives: ஆர்யா

கொஞ்ச நாளா சீரியஸ் ஆயிட்டேன்.. இதுதான் காரணம்..! சந்தானம் ஓப்பன் டாக்..!

வளர்ந்து வரும் தமிழ் நடிகர்களில் முக்கியமான இடத்தை பிடித்திருக்கிறார் நடிகர் சந்தானம். தொடர்ந்து சந்தானம் நடிக்கும் திரைப்படங்களுக்கு நல்ல வரவேற்பும் இருந்து வருகிறது. குறிப்பாக அவர் நடிக்கும் பேய் படங்களுக்கு தனிப்பட்ட வரவேற்பு இருந்து வருகிறது.

காமெடி நடிகராக சந்தானம் நடித்து வந்த காலக்கட்டத்தில் அவரின் முக பாவனைகள் உடல் மொழிகள் எல்லாமே இப்போது இருப்பதை விட மாறுப்பட்டு இருந்தன. ஆனால் கதாநாயகனாக நடிக்க துவங்கிய பிறகு அதற்கு தகுந்தாற் போல சந்தானம் நடிக்க துவங்கினார்.

இந்த நிலையில் சந்தானம் மற்றும் ஆர்யா இருவருமே நண்பர்களாக இருந்து வருகின்றனர். இந்த நிலையில் ஆர்யா தயாரிப்பில் சந்தானம் தற்சமயம் நடித்து வரும் திரைப்படம் டெவில்ஸ் டபுள்ஸ் நெக்ஸ் லெவல். இந்த திரைப்பட விழாவில் சந்தானம் சில விஷயங்களை பகிர்ந்திருந்தார்.

Santhanam

அதில் அவர் கூறும்போது ஆர்யா என்னிடம் ஒரு விஷயம் கூறினான். காமெடி செய்துக்கொண்டிருந்தப்போது ரொம்ப ஜாலியா இருப்ப. இப்ப அப்படி இல்லையே என கேட்டான். நான் அவனிடம் நிறைய கமிட்மெண்ட் இருக்குடா. முன்ன மாதிரி இருக்க முடியல என கூறினேன்.

உடனே ஆர்யா இந்த ஒரு வருஷத்துக்கு உன் கமிட்மெண்ட் எல்லாத்தையும் நான் பாத்துக்குறேன். நீ படத்தில் மட்டும் கவனம் செலுத்து என கூறினான். எனவே இந்த படம் நகைச்சுவைக்கு பஞ்சம் இல்லாமல் இருக்கும் என கூறியுள்ளார் சந்தானம்.

பார்க்க மிஷின் இம்பாசிபல் மாதிரி இருக்கு.. வெளியான மிஸ்டர் எக்ஸ் பட ட்ரைலர்.!

நடிகர் ஆர்யா நடிப்பில் சமீபத்தில் உருவான திரைப்படம்தான் மிஸ்டர் எக்ஸ் சமீப காலங்களாகவே ஆர்யா படங்களுக்கு பெரிதாக வரவேற்புகள் என்பது இல்லாமல் இருந்து வந்தன.

இந்த நிலையில் ஹாலிவுட் கதை அமைப்பில் உருவான திரைப்படமாக மிஸ்டர் எக்ஸ் திரைப்படம் இருப்பதை பார்க்க முடிகிறது. படத்தின் கதைப்படி இந்தியாவுக்காக வேலை செய்யும் ஒரு ரகசிய உளவு அமைப்பு இருக்கிறது. அந்த அமைப்பின் தலைவராக ஆர்யா இருக்கிறார்.

இந்த நிலையில் இந்த குழு செய்யும் சாகசங்களே கதையாக இருக்கிறது. மிஷின் இம்பாசிபல் மாதிரியான பல ஹாலிவுட் திரைப்படங்களின் கதை என்பது இதுவாகதான் இருந்துள்ளது.

இந்த படத்தில் மஞ்சு வாரியர், நடிகர் சரத்குமார், நடிகர் கௌதம் கார்த்திக் ஆகியோர் முக்கிய கதாபாத்திரத்தில் நடித்துள்ளனர்.

இருந்தாலும் இந்த மாதிரியான கதை களங்களை யாரும் தமிழில் சரியாக படமாக்கியது இல்லை. எனவே இந்த படமாவது நன்றாக இருக்குமா? என்கிற கேள்வி ஒரு பக்கம் எழுந்து வருகிறது.

அந்த நடிகர் முன்னாடியே அவர் மனைவியோட ரொமான்ஸ்.. கஷ்டமா இருந்துச்சு.. உண்மையை கூறிய சூர்யா..!

நடிகர் சூர்யா தமிழ் சினிமாவில் பல காலங்களாகவே முக்கிய நடிகராக இருந்து வருகிறார். இந்த நிலையில் சூர்யா சமீபத்தில் பேசிய ஒரு விஷயம் அதிக பிரபலமாகி வருகிறது.

சூர்யா ஆர்யா குறித்து சில விஷயங்களை பேசி இருந்தார். ஆர்யாவை பொறுத்தவரை தமிழ் சினிமாவில் பல காலங்களாக திருமணம் ஆகாமல் இருந்து வந்தவர் ஆர்யா.

பிறகு அவர் நடிகை சாயிஷாவை திருமணம் செய்துக்கொண்டார். அதே சமயம் திருமணத்திற்கு பிறகு மற்ற நடிகர்கள் போல தன்னுடைய மனைவியை திரைப்படத்தில் நடிக்க கூடாது என்று வீட்டிற்குள் அடைத்து வைக்காமல் தொடர்ந்து தனது மனைவி நடிப்பதற்கு துணையாக நின்றார் ஆர்யா.

கஷ்டப்பட்ட சூர்யா:

அதனை தொடர்ந்து சாயிஷா இப்பொழுது வரை தமிழ் சினிமாவில் நிறைய திரைப்படங்களில் நடித்துக் கொண்டுதான் இருக்கிறார். இதில் ஹைலைட்டாக ஆர்யாவே நடித்த காப்பான் திரைப்படத்தில் சூர்யாவிற்கு ஜோடியாக நடித்திருந்தார் சாயிஷா.

இந்த படத்தில் நடித்த அனுபவம் குறித்து சூர்யா அவர் பேட்டியில் கூறும் பொழுது அந்த படத்தில் எனக்கு சங்கடமாக இருந்த விஷயங்கள் எல்லாம் ஆர்யாவிற்கு கொடுக்க வேண்டிய டயலாக்குகளை எனக்கு கொடுத்திருந்தனர்.

நானும் சாய்ஷாவும் காதலிப்பது போன்ற காட்சிகள் இருந்தது அந்த காட்சிகளை ஆர்யா முன்னாடியே நடிப்பது கஷ்டமாக இருந்தது என்று கூறியிருக்கிறார் சூர்யா.

முதல் முதலில் நான் நடிக்கவிருந்த படம்!.. ஆனால் ஆர்யாவுக்கு வாய்ப்பு கிடைச்சிட்டு!.. பதிலுக்கு சூரி செஞ்சதுதான் ஹைலைட்!..

Actor Soorie: தமிழ் சினிமாவில் காமெடி நடிகராக அறிமுகமாகி தற்சமயம் யாரும் யோசிக்காத அளவிலான உயரத்தை தொட்டிருக்கிறார் நடிகர் சூரி.

விடுதலை திரைப்படம்தான் சூரியின் வாழ்க்கையை மாற்றி அமைத்த திரைப்படம் என கூறலாம். சிவகார்த்திகேயனை போல் சாதாரண திரை கதைகளை தேர்ந்தெடுக்காமல் சூரி தேர்ந்தெடுக்கும் திரைக்கதைகள் எல்லாமே உலக அளவில் பிரபலமாகும் கதைகளாக இருக்கின்றன.

விடுதலை திரைப்படத்தை பல உலக சர்வதேச திரைப்பட விழாக்களில் திரையிட்டு அந்த படத்திற்கும் நல்ல வரவேற்பு கிடைத்திருக்கிறது. இதனை அடுத்து சூரி நடித்த கொட்டுக் காளி திரைப்படம் தொடர்ந்து நிறைய திரைப்பட விழாக்களில் வெளியாகி வருகிறது அதற்கும் நல்ல வரவேற்பு கிடைத்துள்ளது.

Soori at Marudhu Press Meet

அடுத்து இவர் இயக்குனர் ராம் இயக்கத்தில் ஒரு திரைப்படத்தில் நடித்துக் கொண்டிருக்கிறார் இப்படியாக சூரி தேர்ந்தெடுக்கும் கதைகள் எல்லாமே வித்தியாசமாக இருப்பதால் வெகு சீக்கிரத்திலேயே பெரும் உயரத்தை அடைவார் என்று எதிர்பார்க்கப்படுகிறது.

ஆரம்ப வாழ்க்கை

ஆனால் ஆரம்பத்தில் சூரி சினிமாவுக்கு வந்த பொழுது ஒரு சின்ன கதாபாத்திரமாவது கிடைக்காதா? என்று ஏங்கிய நாட்களும் உண்டு. ஆர்யா நடித்த கள்வனின் காதலி திரைப்படம் துவங்க இருந்தபோது அந்த படத்திற்கான கதாபாத்திரங்களை தேர்வு செய்வதற்கு ஆடிஷன் நடந்தது.

அப்பொழுது அங்கு சென்ற சூரி சாப்பிடாமல் சென்றதால் அங்கேயே மயங்கி விழுந்து விட்டார். பிறகு அவரை அமர வைத்து ஆறுதல் கூறி அவரை வீட்டிற்கு அனுப்பி வைத்தனர். இருந்தாலும் அன்று மயக்கம் அடையவில்லை என்றால் அந்த படத்தில் வாய்ப்பு கிடைத்திருக்கும் என்று மனம் வருந்தினார் சூரி.

அதன் பிறகு அவர் நிறைய திரைப்படங்கள் நடிக்க துவங்கிய பிறகு அவருக்கென்று ஒரு அலுவலகம் அமைக்க வேண்டி இருந்தது. அப்பொழுது கள்வனின் காதலி படத்தின் ஆடிஷன் நடந்த அந்த அலுவலகத்தையே தன்னுடைய அலுவலகமாக வாங்கினார் சூரி. அது தனக்கு எப்போதுமே பழைய நினைவு ஏற்படுத்திக் கொண்டிருக்கும் என்று வாங்கியதாக ஒரு பேட்டியில் அவர் கூறி இருக்கிறார்.

நிறைய ஆட்டம் போட்டுட்டு இருந்தான்!.. இப்ப அமுக்கி உக்கார வச்சிட்டாங்க!.. ஆர்யா குறித்து பேசிய சந்தானம்!..

Actor Santhanam: சின்ன திரையில் நகைச்சுவை கலைஞராக இருந்து அதன் மூலமாக தமிழ் சினிமாவில் வாய்ப்பை பெற்றவர் நடிகர் சந்தானம். ஆரம்பத்தில் சந்தானத்திற்கு தமிழ் சினிமாவில் பெரிதாக வாய்ப்புகள் என்பது இல்லாமல்தான் இருந்தது.

ஆனால் நாட்கள் செல்ல செல்ல அவரது நகைச்சுவைக்கு மக்கள் மத்தியில் வரவேற்பு அதிகரிக்க துவங்கியது. இதனை தொடர்ந்து அஜித், ரஜினி, விஜய் என முன்னணி நடிகர்களுடன் சேர்ந்து நடிக்க துவங்கினார். மேலும் இயக்குனர் ராஜேஷ் இயக்கும் காமெடி திரைப்படங்களில் சந்தானத்திற்குதான் முக்கியமான கதாபாத்திரம் வழங்கப்பட்டது.

அவர் இயக்கத்தில் வெளியான ஒரு கல் ஒரு கண்ணாடி, சிவா மனசுல சக்தி போன்ற திரைப்படங்கள் சந்தானத்திற்கு முக்கியமானவை. தற்சமயம் சந்தானம் ஹீரோவாக நடிக்க துவங்கிவிட்டார். அவரது படங்களில் ஒரு சில படங்கள் நல்ல வெற்றியை பெறுகின்றன.

Santhanam

ஒரு சில தோல்வியடைகின்றன. ஆனால் காமெடி நடிகராக இருந்தப்போதே உதயநிதியில் துவங்கி பல நடிகர்களுடன் நெருக்கமானார் சந்தானம். இதனால் அவரது சினிமா வட்டாரம் என்பது கொஞ்சம் பெரிது என்றே கூறலாம். அதே போல நடிகர் ஆர்யாவும் சந்தானமும் நல்ல நண்பர்களாக இருந்து வருகின்றனர்.

சந்தானம் ஆர்யா குறித்து ஒரு பேட்டியில் கூறும்போது கல்யாணம் ஆகுறதுக்கு முன்னாடி நல்லா ஆட்டம் போட்டுட்டு இருந்தான். ஆனால் கல்யாணத்துக்கு பிறகு இப்போ எப்ப போன் பண்ணுனாலும் குழந்தைக்கு பேம்பர்ஸ் மாத்துறேன், பால் ஊட்டி விடுறேன்னு ஏதாவது சொல்லிட்டு இருக்கான். ஒரு நாளைக்கு ஒரு மூன்று முறையாவது ஆர்யாவுக்கு போன் செய்துவிடுவேன் என்கிறார் சந்தானம்.

ஆர்யா உண்மையா இருப்பேன்னுதான் ஆரம்பத்துல என்கிட்ட சொன்னாரு… நடிகை சங்கீதா ஓப்பன் ஸ்டேட்மெண்ட்!..

Actor Arya: தமிழ் சினிமாவில் பெரிதாக நடிப்பு வராவிட்டாலும் கூட வரக்கூடிய சிறிதளவு நடிப்பை வைத்து அதற்கான கதை களங்களை தேர்ந்தெடுத்து மக்கள் மத்தியில் வரவேற்பை பெறும் நடிகர்கள் உண்டு. அப்படியான நடிகர்களில் நடிகர் ஆர்யாவும் ஒருவர். ஆர்யாவிற்கு செண்டிமெண்ட் காட்சிகள் அவ்வளவாக ஒத்து வராது.

ஆனால் காமெடி மற்றும் சீரியஸ் காட்சிகளில் அவரால் சிறப்பாக நடிக்க முடியும். ஆர்யா, விஷால், விஷ்ணு விஷால் எல்லாம் நண்பர்கள் ஆவர். எல்லாம் ஒரே சமயத்தில்தான் சினிமாவிற்கு வந்தனர். சினிமாவிற்கு வந்து வெகு நாட்களாக திருமணம் ஆகாமல் இருந்தார் ஆர்யா.

இந்த நிலையில்தான் இந்தியாவில் வேறு மொழிகளில் எல்லாம் ஏற்கனவே வெற்றியாக ஒளிப்பரப்பாகி வந்த வியாகம் 18 நிறுவனத்தின் சேனலான கலர் சேனல் தமிழிலும் ஒளிப்பரப்பாக துவங்கியது.

இந்த டிவியை பிரபலப்படுத்துவதற்காக எங்க வீட்டு மாப்பிள்ளை என்கிற நிகழ்ச்சியை ஏற்பாடு செய்தனர். இந்த நிகழ்ச்சியின்ப்படி நடிகர் ஆர்யாவை திருமணம் செய்துக்கொள்ள விரும்பும் பெண்கள் போட்டியில் கலந்துக்கொள்ளலாம்.

பல சுற்றுகளை தாண்டி ஆர்யாவிற்கு பிடிக்கும் பெண் அவரை திருமணம் செய்துகொள்ள முடியும். இந்த நிகழ்ச்சியை நடிகை சங்கீதா தொகுத்து வழங்கினார். இதில் பெண்களுக்கு எல்லாம் ஆசை காட்டி இறுதியில் யாரையும் தேர்ந்தெடுக்காமல் ஏமாற்றிவிட்டார் ஆர்யா என்றொரு குற்றச்சாட்டு உண்டு.

Actress sangeetha

பிறகு நடிகை சாயிஷாவை திருமணம் செய்துக்கொண்டார் ஆர்யா. இதனால் அப்போதே சினிமா ரசிகர்கள் அவரை கழுவி ஊற்றினர். அப்படி விமர்சிக்கும்போது அதில் நடிகை சங்கீதாவையும் வைத்து செய்தனர். பிறகு ஒரு பேட்டியில் இதுக்குறித்து சங்கீதா கூறும்போது பொது மக்களை ஏமாற்றும் எந்த நிகழ்ச்சிக்கும் நான் துணை போக மாட்டேன்.

ஆரம்பத்தில் நான் ஆர்யாவிடம் கேட்டப்போது நிஜமாகவே இந்த நிகழ்ச்சியின் வழியாக தேர்ந்தெடுக்க போவதாகதான் கூறினான். ஆனால் இறுதியில் அவனால் யாரையும் தேர்ந்தெடுக்க முடியவில்லை என கூறியிருந்தார். இதற்கும் உருட்டாதீங்கள் என்று ரசிகர்கள் அவரை விமர்சித்து வருகின்றனர்.

இந்த படமும் ஹாலிவுட் காப்பியா!.. மீண்டும் சர்ச்சையில் சிக்கிய ஆர்யா!..

Tamil Actor Arya :2005 இல் வெளியான அறிந்தும் அறியாமலும் திரைப்படம் மூலமாக தமிழ் சினிமாவிற்கு கதாநாயகனாக அறிமுகமானவர் நடிகர் ஆர்யா. முதல் திரைப்படமே இவருக்கு நல்ல வரவேற்பை பெற்று கொடுத்தது. அதன் பிறகு அவர் நடித்த கலாப காதலன், பட்டியல், வட்டாரம் போன்ற அனைத்து திரைப்படங்களுமே மாபெரும் வெற்றி திரைப்படங்களாகவே அமைந்தன.

அதற்குப் பிறகு 2009 இல் வந்த நான் கடவுள் திரைப்படம் ஆர்யாவின் திரை வாழ்க்கையை திருப்பி போடும் திரைப்படமாக அமைந்தது. அதன் பிறகும் மதராசப்பட்டினம், அவன் இவன், வேட்டை போன்ற குறிப்பிடும் படியான படங்கள் அதிகமாக வந்த வண்ணம்தான் இருந்தது.

arya

ஆனால் கடந்த சில வருடங்களாக அவருக்கு நல்ல படம் என்று எதுவுமே அமையவில்லை என்று கூறலாம். 2018 ஆம் ஆண்டிற்கு பிறகு அவர் நடித்த திரைப்படத்தில் சார்பட்டா பரம்பரை திரைப்படம் மட்டுமே கொஞ்சம் பேசப்பட்ட திரைப்படமாக இருந்தது.

இந்த நிலையில் போன வருடம் இவர் நடித்த கேப்டன் என்கிற திரைப்படம் வெகுவாக விமர்சனத்திற்கு உள்ளானது. இந்த படம் ஹாலிவுட்டில் வெளியான ப்ரேடட்டர் என்கிற திரைப்படத்தின் தழுவல் ஆகும் அந்த படத்தை திரும்ப தமிழில் எடுத்து வைத்திருக்கின்றனர் அதுவும் ஒழுங்காக எடுக்கவில்லை என்று அந்த படம் விமர்சனத்திற்கு உள்ளானது.

இந்த நிலையில் தற்சமயம் வில்லேஜ் என்கிற டிவி சீரியஸில் நடித்திருக்கிறார் ஆர்யா. இந்த சீரியஸும் கூட ஹாலிவுட்டில் வந்த ஸ்ட்ரேஞ்சர் திங்ஸ் என்னும் சீரிசின் காப்பிதான் என்று பேச்சுக்கள் அடிபடுகின்றன. இந்த சீரியஸின் ட்ரெய்லர் வெளியான நிலையில் கிட்டத்தட்ட அது ஸ்ட்ரேஞ்சர் திங்ஸ் கதையின் காப்பி போல தான் தெரிகிறது. இதனை அடுத்து மீண்டும் விமர்சனத்திற்கு உள்ளாகி உள்ளார் ஆர்யா.

மொக்கை படம்னு தெரிஞ்சே கோர்த்து விட்டுட்டியே மச்சி!.. ஆர்யாவிற்கு கார்த்தி செய்த சம்பவம்!..

Actor karthi and Arya: சரியான திரைப்படத்தை தேர்ந்தெடுத்து நடிப்பது என்பது எப்போதுமே ஒரு நடிகருக்கு சவாலான விஷயமாகும். சரியான கதையை தேர்ந்தெடுக்கவில்லை என்றால் அது அவர்களுக்கு பெரும் தோல்வியை ஏற்படுத்துவதற்கான வாய்ப்பு கூட இருக்கிறது.

அப்படியான சம்பவம் ஒன்று ஆர்யாவிற்கு நடந்துள்ளது. நடிகர் கார்த்திக்கு ஒரு கதை நடிப்பதற்கு வந்துள்ளது. அந்த படத்தின் கதையை கேட்ட கார்த்தி இந்த கதை எனக்கு ஒத்து வராது. வேறு யாரையாவது கேட்டு கொள்ளுங்கள் என கூறிவிட்டார். ஏனெனில் கார்த்தி திரைப்படங்களின் கதைக்கு அதிக முக்கியத்துவம் கொடுப்பவர்.

அதனால்தான் அவரால் தொடர்ந்து வெற்றி படங்களாக கொடுக்க முடிகிறது என அவரது ரசிகர்கள் நினைக்கின்றனர். இந்த நிலையில் அதே கதையை எடுத்து கொண்டு இயக்குனர் ஆர்யாவிடம் சென்றுள்ளார். அந்த கதையை கேட்ட ஆர்யாவிற்கு படம் பிடித்துவிடவே அதில் நடிப்பதற்கு ஒப்புக்கொள்கிறார் ஆர்யா.

இதற்கு நடுவே கார்த்தியை ஒருமுறை சந்திக்கிறார் ஆர்யா. அப்போது கார்த்தி “மச்சி நீ அந்த படத்துல நடிக்கிறேன்னு கேள்விப்பட்டேன்” என கேட்டுள்ளார். ஆர்யாவும் அதற்கு ஆமாம் என கூறிவிட்டு நீ ஏன் அந்த படத்தை வேண்டாம் என்றாய் என கார்த்தியிடம் கேட்டிருக்கிறார்.

இல்லை அந்த கதை எனக்கு செட் ஆகாது என வெளிப்படையாக கூறிய கார்த்தி அந்த படத்தில் கொஞ்சம் கவனமாக நடிக்குமாறும் கூறியுள்ளார். அதன் பிறகு வெளியான அந்த படம் தோல்வியை கண்டது. இதை ஒரு மேடை நிகழ்ச்சியில் கூறிய ஆர்யா, “அப்போதே முடிவு செய்துவிட்டேன், இனி கார்த்தி நிராகரிக்கும் திரைப்படங்களில் நடிக்க கூடாது என்று” என கூறியுள்ளார்.

ஒரு மாசம் செய்ய வேண்டியதை அஞ்சே நாள்ல செஞ்சான் ஆர்யா!.. இயக்குனருக்கே அதிர்ச்சி கொடுத்த காட்சி!.

தமிழில் சில இயக்குனர்களின் படங்களுக்கு மட்டும் வெகுவாக மதிப்பு இருந்து வரும். சொல்ல போனால் அந்த இயக்குனர்களின் படங்களில் நடிப்பதற்கு கதாநாயகர்களே விருப்பம் தெரிவிப்பார்கள்.

அப்படியான இயக்குனர்களின் முக்கியமானவர் இயக்குனர் பாலா. அவரது திரைப்படத்தில் ஒரு நடிகர் நடித்து விட்டால் அவருக்கு பிறகு எக்கச்சக்கமாக வாய்ப்புகள் வரும் என்று தமிழ் சினிமாவில் ஒரு பேச்சு உண்டு. ஏனெனில் அந்த அளவிற்கான ஒரு நடிப்பை பாலா தனது திரைப்படத்தில் வாங்கிவிடுவார்.

இப்படியாக நான் கடவுள் திரைப்படத்தை பாலா இயக்கிய பொழுது அதில் முதன்முதலாக நடிக்க இருந்தவர் நடிகர் அஜித். ஆனால் அந்த திரைப்படத்தின் படப்பிடிப்பு தொடங்குவதற்கு காலதாமதம் ஆனதால் அஜித் அந்த படத்தில் இருந்து விலகிவிட்டார்.

அதனை அடுத்து அந்த திரைப்படத்தில் ஆர்யாவை நடிக்க வைக்கலாம் என்று முடிவு செய்யப்பட்ட து. ஆர்யா அந்த படத்தில் சேர்ந்த பொழுது படத்தில் முதலில் கஷ்டமான காட்சிகளை படமாக்கி விடலாம் என்று முடிவு செய்யப்பட்டது. அதன்படி ஆர்யா தலைகீழாக இருக்கும் காட்சியை படமாக்க முடிவு செய்தனர்.

ஆனால் ஆர்யாவிற்கு அந்த தியான முறையை செய்ய தெரியாது. இதனை அறிந்த பாலா அவருக்கு ஒரு வாரத்திற்குள் அந்த தியானத்தை கற்றுக் கொள்ளுமாறு கூறினார். அதேபோல ஆர்யாவும் ஐந்து நாட்களிலேயே அந்த தியானத்தை கற்றுக்கொண்டு படத்திலும் செய்திருந்தார்.

அதனைப் பார்த்து ஒரு நிமிடம் பாலாவே அதிர்ச்சி ஆகிவிட்டாராம். ஏனெனில் அதை முழுமையாக கற்றுக்கொள்ள ஒரு மாத காலம் ஆகுமாம் ஆனால் வெறித்தனமாக பயிற்சி செய்து அதை ஒரே வாரத்தில் கற்று முடித்தார் ஆர்யா என்று தனது பேட்டியில் பாலாவை கூறியிருக்கிறார்

நீ என்னடா பண்ற இங்க? வீடியோ காலில் வந்த ஆர்யா! – ப்ரியாமணியை ஷாக் ஆக்கிய சம்பவம்!

தமிழ் சினிமாவில் ’பருந்திவீரன்’ படத்தின் மூலம் அறிமுகமானவர் ப்ரியாமணி. மலைக்கோட்டை, ராவணன் என பல படங்கள் நடித்த ப்ரியாமணி சில காலம் சினிமாவில் காணாமலே போய்விட்டார். பின்னர் இந்தியில் வெளியான ஃபேமிலிமேன் வெப் சிரிஸ் மூலம் மீண்டும் பிரபலமானார்.

தற்போது ஜவான் படத்தில் ஷாரூகானுடன் முக்கிய ரோலில் நடித்து நல்ல வரவேற்பையும் பெற்றுள்ளார் ப்ரியாமணி. இந்நிலையில்தான் ஜவான் படத்தில் தான் இணைந்தது குறித்த சுவாரஸ்யமான சம்பவத்தை பேட்டி ஒன்றில் பகிர்ந்துள்ளார். அதில் அவர் “ஒருநாள் எனக்கு ஒரு கால் வந்திச்சு. பிஆர் ஒருத்தர் பேசினார். ஒரு படத்துல கேரக்டர் ரோல் பண்ணனும். அட்லீதான் டைரக்டர்ன்னு சொன்னார். அட்லீ படம்னா ஓகேதான் எனக்கு பிரச்சினையில்லன்னு சொன்னேன். சார் உங்ககிட்ட உங்க கேரக்டர் பத்தி விரிவா சொல்லுவார்னு சொன்னார்.

எனக்கு வீடியோ கால் வந்துச்சு அதுல அட்லீ சார் இருந்தார். என்ன ப்ராஜெக்ட்னு எனக்கு தெரியாது. கூடவே ஆர்யாவும் இருந்தான். நீ என்ன இங்க பண்றேன்னு நான் ஷாக்கிங்கா கேட்டேன். இல்லை அட்லீ என் ஃப்ரெண்ட் சோ சும்மா வந்தேன்னு சொன்னான். அப்புறம் அட்லீ சார் என் கேர்க்டர் பத்தி சொன்னார்.

கடைசியாதான் படத்தில ஹீரோ ஷாருக்கான்னு சொன்னார். எனக்கு சர்ப்ரைஸா இருந்துச்சு. இதை முதல்லையே சொல்லிருக்கலாமே.. டாக்குமெண்ட்ல எங்க கையெழுத்து போடணும் சொல்லுங்கன்னு கேட்டேன்” என்று தனது நினைவுகளை பகிந்துள்ளார்.

எனக்கு ஆர்யா கார் ஓட்டணும்.. அதான் ஆசை!.. வெளிப்படையாக கூறிய சந்தானம்!..

தமிழ் சினிமாவில் உள்ள பிரபலமான காமெடி நடிகர்களில் முக்கியமானவர் நடிகர் சந்தானம். காமெடியில் பல வகையான உச்சத்தை தொட்ட பிறகு சந்தானம் கதாநாயகனாக நடிக்க ஆசைப்பட்டார்.

எடுத்த உடனேயே சீரியஸான கதாநாயகனாக நடித்தால் மக்கள் விரும்ப மாட்டார்கள் என்பதால் முதலில் காமெடி கதாநாயகனாக நடித்தார் சந்தானம். போக போக அவரது திரைப்படங்களில் ஆக்‌ஷன் காட்சிகளையும் சேர்க்க துவங்கினார்.

இப்போது அவர் ஆக்‌ஷன் படம் நடித்தாலும் கூட அதை பார்ப்பதற்கு மக்கள் ஆர்வமாக உள்ளனர். ஹீரோவாக நடிக்க துவங்கினாலும் கூட மக்கள் மத்தியில் பெரிதாக தன்னை காட்டி கொள்ளாமலே இருந்தார் சந்தானம். இந்த நிலையில் தற்சமயம் யு ட்யூப் சேனல்களுக்கு பேட்டி கொடுக்க துவங்கியுள்ளார் சந்தானம்.

அதில் அவரிடம் கேள்வி கேட்கும்போது உங்கள் காரை ஆர்யா அல்லது ஜீவா இருவரில் யார் ஓட்ட வேண்டும் என ஆசைப்படுவீர்கள் என கேட்டுள்ளனர். அதற்கு பதிலளித்த சந்தானம் ஆர்யா சூப்பராக கார் ஓட்டுவான். பி.எம்.டபுள் யுவில் மினி கூப்பர் என்கிற காரை வாங்க வேண்டும் என நான் ஆசைப்பட்டேன்.

ஆனால் எனக்கு முன்பு அந்த காரை அவன் வாங்கிவிட்டான் என ஆர்யா குறித்து சந்தானம் பதிலளித்திருந்தார்.

ஆர்யா, ஜான்வி கபூர் கூட்டணியில் பையா இரண்டாம் பாகம்! – வெளிவந்த அரசல் புரசலான தகவல்கள்!

இயக்குனர் லிங்குசாமி இயக்கத்தில் 2010 ஆம் ஆண்டு வெளிவந்து பெரும் வரவேற்பை பெற்ற திரைப்படம் பையா. பருத்திவீரன் திரைப்படத்திற்கு கார்த்தி இந்த படத்தில் நடித்தார்.

அந்த கார்த்தியே இது என்ற வியப்பிலேயே பலரும் படத்திற்கு சென்றனர். ஒரு சிம்பிளான கதையை மக்கள் விரும்பும் வகையில் திரைப்படமாக்கியிருந்தனர்.

அந்த வகையில் அதன் இரண்டாம் பாகம் ஒன்று எடுக்கலாம் என முடிவு செய்துள்ளாராம் லிங்குசாமி. பொதுவாக தமிழ் சினிமாவில் இரண்டாம் பாகம் என வந்தால் முதல் பாகத்து கதையை எடுத்து அதில் சில மாற்றங்களை செய்து நட்சத்திரங்களை மட்டும் மாற்றி திரும்ப அப்படியே எடுப்பது வழக்கம். மற்றபடி முதல் பாகத்திற்கும் இரண்டாம் பாகத்திற்கும் சம்பந்தமே இருக்காது.

முனி, அரண்மனை போன்ற படங்கள் இப்படியாகதான் இருக்கும். இதில் பாகுபலி, எந்திரன் போன்ற சில படங்கள் விதி விலக்கு. இந்த முனி, அரண்மனை ரகத்தில்தான் பையா 2வும் வர உள்ளதாக கூறப்படுகிறது.

இதில் கதாநாயகனாக ஆர்யாவும், கதாநாயகியாக ஸ்ரீதேவியின் மகள் ஜான்வி கபூரும் நடிக்க இருப்பதாக தகவல்கள் வந்துள்ளன. இன்னும் எந்த அதிகார தகவல்களும் வரவில்லை. ஆனால் விரைவில் வரும் என எதிர்பார்க்கப்படுகிறது.