இயக்குனர் பி.எஸ் மித்ரன் இயக்கத்தில் கார்த்தி நடித்து 2022 ஆம் ஆண்டு வெளியான திரைப்படம் சர்தார். உளவு துறையை அடிப்படையாக கொண்டு வெளியான இந்த திரைப்படம் அதிக வரவேற்பை பெற்றது. இதில் இந்தியாவிற்கு உளவாளியாக பணிப்புரியும் சர்தார் வில்லனின் துரோக செயலால் பல வருடங்கள் ஜெயிலில் மாட்டி கொள்வார்.
இந்த நிலையில் சர்தாரின் மகன் சீனாவில் இருந்து இந்தியாவுக்கு வர இருக்கும் தண்ணீர் குழாய் திட்டம் குறித்து ஆய்வு செய்வார். அப்போதுதான் தனது தந்தையை பற்றி அவருக்கு தெரியும்.
இப்படியாக முதல் பாகத்தின் கதை இருக்கும். இந்த நிலையில் தற்சமயம் சர்தார் 2 திரைப்படத்திற்கான ப்ரோமோ ஒன்று வெளியாகியுள்ளது. அதன் ஆரம்ப காட்சிகளே சீனாவில் துவங்குகிறது. வில்லனாக எஸ்.ஜே சூர்யா இந்த படத்தில் இருக்கிறார்.
உலகம் முழுக்க இருக்கும் உளவாளிகள் தேடும் ஒரு நபராக எஸ்.ஜே சூர்யா இருக்கிறார். எனவே சர்தார் முதல் பாகத்தின் தொடர்ச்சியாக இந்த கதை இருக்கும் என கூறப்படுகிறது.
கதைப்படி இந்தியாவிற்கு அந்த தண்ணீர் குழாய் திட்டத்தை கொண்டு வர நினைத்ததே இந்த எஸ்.ஜே சூர்யாவின் நிறுவனம்தான். அதை தடுத்த சர்தார் எஸ்.ஜே சூர்யாவையே தேடி செல்கிறார். அதை வைத்து இரண்டாம் பாகத்தின் கதை அம்சம் அமைந்துள்ளது.
ஆனால் இந்த படத்தில் அப்பா மகன் என இருவருமே உளவாளியாக இருக்கின்றனர் என ஒரு பேச்சு இருந்து வருகிறது.
தமிழ் சினிமாவில் ஒரு கதாநாயகனின் சம்பளம் துவங்கி, இயக்குனரின் சம்பளம் வரை அனைத்தும் படத்தின் வசூலை வைத்தே நிர்ணயிக்கப்படுகிறது.
எனவே படத்தின் பாக்ஸ் ஆபிஸ் என்பது திரையுலகில் முக்கியமான விஷயமாக உள்ளது.
இந்த வருடம் பாக்ஸ் ஆபிஸ் கலெக்ஷன் செய்த டாப் 10 திரைப்படங்களை இப்போது பார்க்கலாம்.
10.விருமன்
2டி எண்டர்டெயின்மெண்ட் இயக்கத்தில் நடிகர் கார்த்தி நடித்து வெளியான திரைப்படம் விருமன். இந்த படத்தில் நடிகர் கார்த்தி மற்றும் நடிகை அதிதி சங்கர் எடுத்திருந்தனர். இயக்குனர் முத்தையா இந்த படத்தை இயக்கியிருந்தார்.
குடும்பத்திற்குள் இருக்கும் பிரச்சனைகளை மையமாக கொண்டு எடுக்கப்பட்ட இந்த திரைப்படம் 60 கோடி ரூபாய் வசூல் செய்தது. குறைந்த பட்ஜெட்டில் எடுக்கப்பட்ட படம் என்றாலும் நல்ல பாக்ஸ் ஆபிஸ் ஹிட் கொடுத்த படமாக விருமன் உள்ளது.
09.லவ் டுடே
இந்த வருடம் மிகவும் குறைந்த பட்ஜெட்டில் எடுக்கப்பட்டு அதிக லாபம் பார்த்த திரைப்படம் லவ் டுடே. இயக்குனர் பிரதீப் ரங்கநாதன் அவரே இயக்கி அவரே நடித்திருந்த படமாக லவ் டுடே உள்ளது.
படத்தின் கதைப்படி இரு காதலர்கள் ஒரு நாளைக்கு இருவரது மொபைல் போன்களையும் மாற்றி கொள்கின்றனர். அதனால் அவர்களுக்குள் ஏற்படும் விரிசல்களை மையமாக வைத்து கதை செல்கிறது.
ஐந்து கோடிக்கு எடுக்கப்பட்ட இந்த திரைப்படம் கிட்டத்தட்ட 80 கோடிக்கு ஓடி வசூல் சாதனை படைத்தது.
08.வெந்து தணிந்தது காடு
இயக்குனர் கெளதம் மேனன் இயக்கத்தில் உருவான திரைப்படம் வெந்து தணிந்தது காடு. இந்த படத்தில் நடிகர் சிம்பு நடித்திருந்தார். ஜெயமோகனின் சிறுகதையை அடிப்படையாக கொண்டு இந்த படம் எடுக்கப்பட்டது.
மும்பைக்கு கூலி வேலைக்கு செல்லும் கதாநாயகன் எப்படி அங்கு கேங்ஸ்டர் ஆகிறான் என்பதாக கதை செல்கிறது. இந்த படம் 80 கோடிக்கு ஓடி வசூல் சாதனை செய்தது.
07.சர்தார்
தமிழில் வித்தியாசமான கதைகளத்தை கொண்டு திரைப்படமெடுக்கும் இயக்குனர் மித்ரன் இயக்கத்தில் வெளியான திரைப்படம் சர்தார். இந்த படத்தில் இரட்டை வேடத்தில் நடிகர் கார்த்தி நடித்திருந்தார்.
சர்தார் என்னும் உளவாளி நாட்டிற்காக ஒரு உளவு வேலைக்கு செல்கிறார். அதில் தண்ணீர் தொடர்பான கார்பரேட் சதியை கண்டறியும் சர்தார் பிறகு அதை எப்படி தடுக்கிறார் என கதை செல்கிறது.
இந்த படம் 90 கோடி வசூல் சாதனை படைத்தது.
06.டான் மற்றும் மாநாடு
இயக்குனர் சிபி சக்ரவர்த்தி இயக்கத்தில் தயாரான திரைப்படம் டான். இந்த படத்தில் நடிகர் சிவகார்த்திகேயன் கதாநாயகனாக நடித்திருந்தார்.
ஒரு கல்லூரி மாணவனின் வாழ்க்கையை நகைச்சுவையாக கூறும் திரைப்படம் டான்.
மாநாடு திரைப்படம் இயக்குனர் வெங்கட் பிரபுவால் எடுக்கப்பட்ட முதல் தமிழ் டைம் லூப் திரைப்படமாகும். ஒரு மாநாட்டில் பெரிய மத கலவரம் நடக்க இருக்கும், அதை டைம் லூப் சக்தியை பயன்படுத்தி கதாநாயகன் எப்படி தடுக்கிறார் என்பதே கதை.
இந்த இரண்டு படங்களுமே 100 கோடி வசூல் செய்த படங்களாக உள்ளன.
05.திருச்சிற்றம்பலம்
நடிகர் தனுஷ் சிம்பிளான டெலிவரி பாயாக நடித்த படம் திருச்சிற்றம்பலம், படத்தில் ஒரு சண்டை காட்சிகள் கூட கிடையாது என்றாலும் எதார்த்த மனிதர்களின் வாழ்க்கையை பிரதிபலிப்பதாய் படம் இருந்ததால் நல்ல வரவேற்பை பெற்றது.
thiruchitrambalam poster
காதலிக்க ஒரு பெண்ணை தேடி வரும் கதாநாயகன், அதே சமயம் சிறு வயது முதல் அவருக்கு தோழியாக இருக்கும் கதாநாயகி, இவர்களின் வாழ்க்கையை வைத்து திரைப்படம் செல்கிறது.
இந்த படம் 90 முதல் 100 கோடி ஹிட் அடித்ததாக கூறப்படுகிறது.
04.வலிமை
இயக்குனர் ஹெச்.வினோத் இயக்கத்தில் அஜித் நடித்து வெளியான திரைப்படம் வலிமை. பல காலங்களாக ரசிகர்கள் காத்திருப்புக்கு பிறகு இந்த படம் வெளியானது.
படத்தின் கதைப்படி ஊருக்குள் திருட்டை செய்வதற்கு ஒரு பைக்கர் கும்பல் கிளம்பியுள்ளது. அந்த கும்பலை பிடிப்பதற்கு ஐ.பி.எஸ் அதிகாரியான கதாநாயகன் முயற்சிப்பதே கதை.
இந்த படம் கிட்டத்தட்ட 163 கோடி ரூபாய் வசூல் சாதனை செய்தது.
03.பீஸ்ட்
தளபதி விஜய் நடித்து இயக்குனர் நெல்சன் இயக்கத்தில் உருவான திரைப்படம் பீஸ்ட்.
தீவிரவாதிகளால் சூழப்படும் சூப்பர் மார்க்கெட், அங்கு மாட்டிக்கொண்டு இருப்பவர்களில் ராணுவ வீரரான கதாநாயகனும் மாட்டிக்கொள்கிறார். அவர் அனைவரையும் காப்பாற்றுவதே படக்கதை
மொத்தம் 227 கோடிக்கு ஓடியுள்ளது பீஸ்ட்
02. விக்ரம்
லோகேஷ் கனகராஜ் இயக்கத்தில் கமல் நடித்து வெளியான திரைப்படம் விக்ரம். கைதி படத்தின் அடுத்த பாகமாக விக்ரம் எடுக்கப்பட்டது.
போதை பொருள் கடத்து கும்பலை எதிர்த்து நிற்கும் ஏஜெண்ட் விக்ரம் மற்றும் அவரது அணியை வைத்து கதை செல்கிறது. கமல்ஹாசன் எதிர்பார்த்ததை விடவும் இந்த படம் நல்ல வசூல் தந்தது.
மொத்தமாக 420 கோடி வசூல் செய்தது விக்ரம்.
01.பொன்னியின் செல்வன்
இந்த வருடம் வெளியான திரைப்படங்களிலேயே அதிக வசூல் சாதனை செய்த தமிழ் திரைப்படம் பொன்னியின் செல்வன். ராஜ ராஜ சோழன் குறித்து கல்கி எழுதிய புனைவு நாவலான பொன்னியின் செல்வனை அடிப்படையாக கொண்டு இந்த திரைப்படம் எடுக்கப்பட்டது.
சோழர்களை வீழ்த்துவதற்கு நடக்கும் சூழ்ச்சி. அதனை கண்டறிந்து சோழர்களிடம் சொல்ல பயணப்படும் வந்தியதேவன். ஆகிய விஷயங்களை கொண்டு இந்த படம் செல்கிறது.
கிட்டத்தட்ட 500 கோடி வசூல் செய்தது பொன்னியின் செல்வன் திரைப்படம்.
கார்த்தி நடிப்பில் தற்சமயம் வெளியாகி சிறப்பான ஹிட் கொடுத்த திரைப்படம் சர்தார். இந்த படத்தில் கார்த்தி இருவேடத்தில் நடித்திருந்தார். பொதுவாக ஸ்பை திரைப்படம் என்றாலே அதிகமாக மிகைப்படுத்தப்பட்டுதான் காமிக்கப்படும்.
மிகவும் அட்வான்ஸான ஆயுதங்கள், அரசுகளின் ஆதரவு. அதிலும் ஜேம்ஸ்பாண்ட் மாதிரியான திரைப்படங்களில் எல்லாம் உளவு துறை ஏஜெண்ட் கூறினால் ஏவுகணையே அனுப்பும் அரசு.
ஆனால் உண்மையில் உளவாளி என்பவன் யாருக்கும் தெரியாமல் சாமானியன் போல செயல்படுபவன். அப்படியான ஒரு கதையை மிக இயல்பாக இயக்கியிருந்தார் இயக்குனர் பி.எஸ் மித்ரன். இந்த திரைப்படத்தில் யூ ட்யூப் பிரபலமான சிறுவன் ரித்து மிக முக்கியமான கதாபாத்திரத்தில் நடித்திருந்தான்.
சர்தார் கதாபாத்திரத்திற்கு தற்சமயம் உள்ள தொழில்நுட்பம் குறித்து எதுவுமே தெரியாது. அதை எல்லாம் விளக்கும் கதாபாத்திரமாக ரித்து நடித்திருந்தான். தற்சமயம் ஆஹா ப்ரோமோஷனுக்காக ரித்து தனது யூ ட்யூப் சேனலில் கார்த்தியுடன் சேர்ந்து ஒரு வீடியோ தயார் செய்துள்ளான்.
அதில் அவன் இரட்டை வேடத்தில் தோன்றி நகைச்சுவை செய்துள்ளான்.
கார்த்தி நடிப்பில் வெளியாகி அதிரடியான ஹிட் கொடுத்து வரும் திரைப்படம் சர்தார். இரு விதமான விஷயங்களை பேசும் மிக முக்கியமான திரைப்படம் இது.
கமர்ஷியலாக வந்த பல திரைப்படங்களிலேயே கொஞ்சம் எதார்த்தமான கண்ணோட்டத்துடன் வந்த உளவுத்துறை சார்ந்த திரைப்படம் சர்தார் என கூறப்படுகிறது.
வரிசையாக கார்த்திக்கு மூன்றாவது வெற்றி படமாக அமைந்ததால் நடிகர் கார்த்திக்கும் வாய்ப்புகள் அதிகரித்து வருகிறது. மேலும் உலக அளவில் இருக்கும் நீர் அரசியலையும், பாட்டில் குடிநீரை குடிப்பதால் ஏற்படும் கேடுகள் குறித்தும் இந்த படத்தில் பேசப்பட்டுள்ளது.
அதிக வரவேற்பை பெற்று வரும் நிலையில் படம் எப்போது ஓ.டி.டியில் வரும் என்கிற கேள்வி பலரிடமும் இருந்தது. இந்த நிலையில் நவம்பர் இறுதிக்குள் சர்தார் திரைப்படம் ஓ.டி.டியில் வெளியாகும் என தெரிவிக்கப்பட்டுள்ளது.
இந்தியாவில் உள்ள ஓ.டி.டி நிறுவனமான ஆஹா தளமானது இந்த திரைப்படத்தை வாங்கியுள்ளது.
வித்தியாசமான கதைகளத்தை கொண்டு திரைப்படம் எடுக்கும் தமிழ் இயக்குனர்களில் முக்கியமானவர் பி.எஸ் மித்ரன். இவர் இயக்கிய இரும்புதிரை, ஹீரோ ஆகிய திரைப்படங்கள் அனைத்துமே மக்களிடையே நல்ல வரவேற்பை பெற்றன.
தற்சமயம் இவரது இயக்கத்தில் கார்த்தி நடித்து வெளியான திரைப்படம்தான் சர்தார். சர்தார் திரைப்படம் ட்ரைலர் வந்தது முதலே பல எதிர்பார்ப்புகளை கொண்டிருந்தது.
இந்நிலையில் கடந்த அக்டோபர் 21 ஆம் தேதி வெளியான சர்தார் திரைப்படம் நல்ல வசூல் சாதனை படைத்துள்ளது. இதற்கு முன்பு கார்த்தி நடித்த பொன்னியின் செல்வன் மற்றும் விருமன் ஆகிய இரு திரைப்படங்களுமே அவருக்கு வெற்றி படங்களாக அமைந்தன.
தற்சமயம் சர்தார் திரைப்படமும் அந்த வரிசையில் இடம் பெற்றுள்ளது. படத்தின் மொத்த பட்ஜெட் 40 கோடி என கூறப்படுகிறது. ஆனால் 11 நாளில் படம் 85 கோடி வசூல் செய்துள்ளது.
100 கோடி வசூல் செய்த சிவகார்த்திகேயனின் டான் திரைப்படத்தை விட சர்தார் அதிக வசூல் செய்யும் என எதிர்பார்க்கப்படுகிறது.
நடிகர் கார்த்தி நடித்து வெளிவரும் படங்கள் எல்லாம் வரிசையாக ஹிட் கொடுத்துக்கொண்டே இருக்கிறது. இதனால் சூர்யாவை விடவும் அதிகமான பட வாய்ப்புகளை பெற்று வருகிறார் கார்த்தி என கூறப்படுகிறது.
முத்தையா தயாரிப்பில் கார்த்தி நடித்து வெளிவந்த விருமன் திரைப்படம் மக்களிடையே நல்ல வரவேற்பை பெற்றது. நல்ல வசூல் சாதனையும் செய்தது. அதையடுத்து பொன்னியின் செல்வன் திரைப்படம் வெளியானது. அதிலும் கூட கதையின் முக்கிய கதாபாத்திரமான வந்திய தேவன் கதாபாத்திரத்தை கார்த்தி ஏற்று நடித்திருந்தார்.
பிறகு தற்சமயம் வந்த சர்தார் படமும் கூட கார்த்திக்கு நல்ல படமாக அமைந்தது. கிட்டத்தட்ட 3 வருடங்களாக படம் நடிப்பதிலேயே போய் கொண்டிருப்பதால் கொஞ்சம் ஓய்வு எடுக்கலாம் என நினைத்திருந்தாராம் கார்த்தி.
ஆனால் அடுத்து கைதி 2, சர்தார் 2 என இரண்டாம் பாகங்களுக்கு நடிக்க தயாராக வேண்டிய சூழலில் இருக்கிறார் கார்த்தி. மேலும் பொன்னியின் செல்வன் இரண்டாம் பாகத்திற்கும் இன்னும் சில டப்பிங் வேலைகள் இருப்பதாக கூறப்படுகிறது.
சர்தார் படம் வெளியாகி ஐந்தே நாளில் 50 கோடி வசூல் சாதனை செய்துள்ளது.
தண்ணீருக்காகதான் மூன்றாவது உலக போர் நடக்கும் என்ற ஒரு கருத்து பலரிடமும் இருந்து வருகிறது. மனித சமுதாயம் உருவான காலம் முதல் அது ஒரே குடையின் கீழ் வாழவும், விவசாயம் செய்யவும் நீர் இன்றியமையாததாக இருந்துள்ளது.
அந்த நீரை ஒரு கார்ப்பரேட் நிறுவனம் கைப்பற்றும்போது மனித வாழ்க்கை என்னவாக இருக்கும் என்பதை விளக்கும் வகையில் சர்தார் படம் இருப்பதாக கூறப்படுகிறது.
சர்தார் படத்தின் இயக்குனர் பி.எஸ் மித்ரன் பேட்டி ஒன்றில் கூறும்போது ஜீன்ஸ் பேண்டில் துவங்கி நாம் பயன்படுத்தும் பல பொருட்களை உருவாக்க பல ஆயிரம் லிட்டர் தண்ணீர் செலவாகிறது என கூறியுள்ளார். இது பொய் என ஒரு சாரார் கூறி வந்தனர்.
டெர்பி ஜீன்ஸ் நிறுவனத்தின் உரிமையாளரான விஜய் கபூரும் இந்த கருத்துக்கு ஒத்து போகிறார். தற்சமயம் அவரது நிறுவனத்தில் தண்ணீரே பயன்படுத்தாமல் ஜீன்ஸ் தயாரிக்கும் முறையை கண்டறிந்துள்ளதாக கூறியுள்ளார். அப்படி தயாரிக்கப்பட்ட ஜீன்ஸ் உடையை தீபாவளிக்கு விற்பனை செய்துள்ளார்.
தீபாவளியை முன்னிட்டு திரையில் வெளியான திரைப்படங்கள்தான் சர்தார் மற்றும் பிரின்ஸ். பிரின்ஸ் திரைப்படம் நினைத்த அளவிலான வரவேற்பை பெறவில்லை. ஆனால் சர்தார் திரைப்படம் மக்களிடையே மிகவும் வரவேற்பை பெற்றது.
படத்தின் வெற்றியை முன்னிட்டு ஒரு சந்திப்பு நிகழ்ந்தது. அதில் பேசிய கார்த்தி தனது சினிமா வாழ்க்கையில் சர்தார் மிக முக்கியமான திரைப்படம் என கூறியுள்ளார். கடந்த 5 நாட்களில் மட்டும் படம் 50 கோடி வசூல் செய்துள்ளது. படத்தின் ஓ.டி.டி ரிலீஸை அமேசான், நெட்ப்ளிக்ஸ் இரண்டிற்குமே விற்பனை செய்துள்ளனர்.
இதையடுத்து சர்தாரின் வெற்றியை தொடர்ந்து அதன் இரண்டாம் பாகத்தை எடுக்க உள்ளதாக அதிகார பூர்வ தகவலை படக்குழு வெளியிட்டுள்ளது. முதல் பாகத்தில் ஒரு கார்த்தி உளவாளியாகவும், ஒரு கார்த்தி போலீஸாகவும் இருப்பதாக அமைக்கப்பட்டுள்ளது.
ஆனால் இரண்டாம் பாகத்தில் இரண்டு கார்த்தியுமே உளவாளியாக இருக்க போவதாக கூறப்படுகிறது. நடிகர் கார்த்தியின் படங்களிலேயே 5 நாட்களில் அதிக வசூல் செய்த படமாக சர்தார் உள்ளது.
பிரின்ஸ் படத்தை விடவும் அதிகமான வரவேற்பை பெற்ற திரைப்படமாக சர்தார் உள்ளது?. சர்தார் படத்தின் கதை குறித்து பி.எஸ் மித்ரன் கூறும்போது அது இன்னமும் சுவாரஸ்யமாக இருந்தது.
சர்தார் படத்திற்கான கதையானது ஒரு உண்மை கதையின் தழுவல் என கூறப்படுகிறது. 1980களில் இந்தியாவின் உளவுத்துறை பாகிஸ்தானுக்கு உளவுப்பார்க்க ஆட்களை அனுப்ப திட்டமிட்டது. ஆனால் அவர்கள் எந்த ஒரு சூழ்நிலையிலும் நடித்து தப்பிப்பதற்கான சாதுரியத்தை பெற்றிருக்க வேண்டும் என்பதால் இராணுவ வீரர்களை அழைத்து அவர்களுக்கு நடிப்பதற்கு பயிற்சி அளிக்கப்பட்டது.
ஆனால் அவர்களுக்கு நடிப்பதற்கான பயிற்சி அளிப்பது கடினமாக இருந்ததால், நடிப்பு திறன் கொண்ட நடிகர்களை உளவு வேலைக்கு பயிற்சி அளித்தனர். அப்படி இந்திய உளவு துறையால் பயிற்சியளிக்கப்பட்டு பாகிஸ்தானுக்கு உளவு வேலை பார்க்க சென்ற நாடக நடிகர்தான் ரவீந்தர் கவுசிக்.
பாகிஸ்தான் ராணுவத்தில் சின்ன வேலைக்கு சென்ற இவர் படிபடியாக உயர்ந்து ராணுவ ஜெனரலாக மாறியுள்ளார். இந்திய இராணுவத்திற்கு அவர் தொடர்ந்து தகவல்களை அனுப்பியுள்ளார். இந்தியாவின் தலைசிறந்த உளவாளி என இவர் அழைக்கப்படுகிறார்.
எனவே இந்த கதையை மையமாக கொண்டு எடுக்கப்பட்ட திரைப்படம்தான் சர்தார் என படத்தின் இயக்குனர் பி.எஸ் மித்ரனே கூறியுள்ளார்.
இயக்குனர் பி.எஸ் மித்ரன் என்றாலே வித்தியாசமான கதைகளை படமாக்க கூடியவர் என்று ஒரு பிம்பம் உண்டு. அவர் படமாக்கிய இரும்பு திரை, ஹீரோ இரண்டுமே வித்தியாசமான கதைகளை கொண்ட ஒரு திரைப்படமாகும். இந்த இரண்டு திரைப்படங்களுமே மக்கள் மத்தியில் வரவேற்பை பெற்றன.
எப்போதும் பி.எஸ் மித்ரன் மக்களுக்கு விழிப்புணர்வை ஏற்படுத்தும் வகையில் திரைப்படங்களை இயக்குபவர் என்ற பெயர் உண்டு.
தற்சமயம் சர்தார் படத்திற்காக பேட்டி ஒன்றில் பேசினார் பி.எஸ் மித்ரன். அப்போது அவரிடம் மக்களுக்கு விழிப்புணர்வை ஏற்படுத்தும் வகையில் உங்கள் படங்கள் இருக்கிறதே? என கேட்டனர்.
அதற்கு பதிலளித்த மித்ரன் மக்களுக்கு விழிப்புணர்வு அளிக்க வேண்டும் என நான் நினைக்கவில்லை. நாம் பார்க்கும் ஒவ்வொரு விஷயத்திலும் இன்னொரு பக்கம் இருக்கும்.
அதை படமாக்கும்போது சுவாரஸ்யமாக இருக்கும் என்பதால் படமாக்குகிறேன் என கூறியிருந்தார்.
சினிமாவில் நடிகர்களிடையே போட்டி என கூறுவதெல்லாம் ஒரு சினிமா அரசியலாகவே பார்க்கப்படுகிறது. உண்மையில் நடிகர்கள் தங்களுக்குள் போட்டி போட்டுக்கொள்வதாக தெரியவில்லை.
தீபாவளியை முன்னிட்டு சமீபத்தில் திரையரங்கில் சிவகார்த்திகேயன் நடித்த பிரின்ஸ் மற்றும் கார்த்தி நடித்த சர்தார் இரண்டு திரைப்படங்களும் வெளியாகின. இதனால் பலரும் சிவகார்த்திகேயனும், கார்த்தியும் போட்டி போட்டுக்கொள்கின்றனர் என கூறி வந்தனர்.
ப்ரின்ஸ் படத்தின் முதல் நாள் ரெஸ்பான்ஸை காண நடிகர் சிவகார்த்திகேயன் ஒவ்வொரு திரையரங்காக சென்றுக்கொண்டிருந்தார். அப்போது அவரிடம் சென்ற பத்திரிக்கையாளர்கள் சர்தார் படத்தை பார்ப்பீர்களா? என கேட்டனர்.
கண்டிப்பாக பார்ப்பேன். முதலில் நான் ஒரு சினிமா ரசிகன், பிறகுதான் நான் ஒரு நடிகன், எனவே நான் அனைவரின் படத்தையும் பார்ப்பேன் என கூறியுள்ளார் சிவகார்த்திகேயன்.
வரவிருக்கும் தீபாவளியை முன்னிட்டு இன்று பிரின்ஸ் மற்றும் சர்தார் வெளியானது. இரண்டு திரைப்படங்களுமே மக்கள் மத்தியில் நல்ல வரவேற்பை பெற்று வந்த நிலையில் இன்று காலை முதல் ஷோ காட்சிகள் முடிந்துள்ளது.
மக்கள் பலரும் படத்தை பார்த்துவிட்டு தங்கள் விமர்சனங்களை தெரிவித்து வருகின்றனர். சர்தார் படத்தின் இயக்குனர் பி.எஸ் மித்ரன் ஏற்கனவே இரும்பு திரை, ஹீரோ ஆகிய படங்களை இயக்கியுள்ளார்.
இவை இரண்டுமே மக்கள் மத்தியில் வரவேற்பை பெற்ற படங்கள் என்பதால் பி.எஸ் மித்ரனுக்கும் வரவேற்பு அதிகரித்துள்ளது.
இந்நிலையில் இன்று வெளியான சர்தார் படம் மக்களிடையே நல்ல வரவேற்பை பெற்றுள்ளது. சிலர் படத்தின் குறைகளை கூறினாலும் கூட அதிகப்படியான மக்களுக்கு சர்தார் படம் பிடித்துள்ளது. படத்தின் திரைக்கதை சிறப்பாக உள்ளதாக கூறப்படுகிறது.
Tamil Cinema News Today – Latest Updates, Reviews,Gossips
