Director Shankar: சமீபத்தில் விக்ரம் நடித்த திரைப்படங்கள் எதுவுமே அவருக்கு அவ்வளவாக பெரிதாக வெற்றியை பெற்று தரவில்லை. பொன்னியின் செல்வன் திரைப்படம் நல்ல வெற்றியை கொடுத்தது என்றாலும் அதில் விக்ரம் மட்டுமே கதாநாயகனாக நடிக்கவில்லை.

அது இல்லாமல் தனியாக விக்ரம் நடித்த திரைப்படங்கள் எதுவும் நல்ல வெற்றியை கொடுக்கவில்லை. இருந்தாலும் நடிப்பு ரீதியாக அவர் தன்னுடைய முழுமையான நடிப்பை அதில் வெளிப்படுத்தி இருந்தார். இந்த நிலையில் அடுத்து விக்ரம் நடிக்கும் தங்கலான் திரைப்படம் மக்கள் மத்தியில் அதிக எதிர்பார்ப்பை ஏற்படுத்தும் திரைப்படமாக இருக்கிறது.

இந்த திரைப்படத்தின் ட்ரைலர் வெளியான பொழுதே மக்களுக்கு வரவேற்பு அதிகரித்துவிட்டது. அந்த அளவிற்கு படமும் சிறப்பாக இருக்கும் என்று எதிர்பார்க்கப்படுகிறது. படத்தின் மொத்த படப்பிடிப்பும் முடிந்த நிலையிலும் இன்னும் படத்தின் வெளியிட்டு தேதி அறிவிக்கப்படாதது குறித்து நிறைய சர்ச்சைகள் எழுந்து வந்தன.

உண்மையை கூறிய பா.ரஞ்சித்:

பா.ரஞ்சித்திற்கும் தயாரிப்பாளருக்கும் இடையே பிரச்சனை என்றெல்லாம் பேச்சுக்கள் வர துவங்கின. இந்த நிலையில் இது குறித்து பேசிய பா.ரஞ்சித் தற்சமயம் தேர்தல் நடக்க இருப்பதால் தேர்தல் தேதி அறிவிக்கப்பட்ட பிறகு படத்தின் வெளியிட்டு தேதி அறிவிக்கலாம் என்று காத்திருக்கிறோம்.

படத்தின் முழு படப்பிடிப்பு வேலைகளும் முடிந்து விட்டன தேர்தலுக்குப் பிறகு தணிக்கை குழுவிற்கு அனுப்பி சான்றிதழ் பெற்று படத்தை வெளியிட்டு விடுவோம் எனவே தேவையில்லாத சர்ச்சைகளை நம்ப வேண்டாம் என்று கூறியிருக்கிறார் பா.ரஞ்சித்.

தேர்தல் சமயத்தில் படத்தை வெளியிடுவது என்பது கடினமான விஷயமாகும். இதனால்தான் இந்தியன் 2 திரைப்படத்தின் வெளியீட்டையே தேர்தலுக்கு பிறகு வைத்துள்ளனர். இந்த நிலையில் தேர்தல் நேரத்தில் பா.ரஞ்சித் படத்தை வெளியிடுவது அவருக்கு ரிஸ்க் என்பதை மிகத் தாமதமாகதான் அறிந்திருக்கிறார். அதனால்தான் அதற்குள்ளாகவே இப்படியான சர்ச்சைகள் மக்கள் மத்தியில் எழ துவங்கி இருக்கின்றன.

தமிழில் தரமான திரைப்படங்கள் எடுப்பவர்கள் என்று கூறப்படும் இயக்குனர்களில் இயக்குனர் பா ரஞ்சித்தும் ஒருவர். பா.ரஞ்சித் சமூகப் பிரச்சினைகளை பேசும் அதே நேரத்தில் வரலாற்றில் நடந்த பல விஷயங்களை தனது திரைப்படம் மூலமாக வெளிக் கொண்டு வருவார்.

சிங்கப்பூரில் தமிழ்நாட்டு மக்கள் பண்ணை அடிமை முறையில் பணிபுரிந்ததை தனது கபாலி திரைப்படத்தில் கூறி இருப்பார். அதேபோல காலா திரைப்படத்தில் தாராவியில் வாழும் தமிழ் மக்கள் பற்றி பேசியிருப்பார்.

இந்த நிலையில் தற்சமயம் மற்றொரு வரலாற்று திரைப்படமாக தங்கலான் திரைப்படத்தை எடுத்திருக்கிறார் பா.ரஞ்சித். இந்த திரைப்படத்தில் பணிபுரிந்த அனைவருமே படப்பிடிப்பில் மிகவும் கஷ்டப்பட்டதாக கூறுகின்றனர். அதில் ஒருவர் கூறும் பொழுது படத்தில் நடித்த அனைவருமே செருப்பை போடாமல்தான் படத்தில் நடித்தோம்.

ஏனெனில் அந்தப் பகுதியில் செருப்பு போட்டுக் கொண்டு நடக்க முடியாது அப்படியான ஒரு சூழல். அதில் விக்ரம் மாதிரியான நடிகர்கள் கோவணம் கட்டிக்கொண்டு நடிப்பது போன்ற காட்சி இருந்த பொழுது இயக்குனர் ரஞ்சித்தும் கூடவே கோவணம் கட்டிக்கொண்டு நின்றார்.

எதற்கு என்று கேட்கும் பொழுது அனைவரும் சமமாக இருக்க வேண்டும் என்பதற்காக அவரும் கட்டிக்கொண்டு நின்றார். ஆனால் பல இடங்களுக்கு செருப்பு இல்லாமல் பயணம் செய்த பொழுது பலருக்கும் காலில் அடிபட்டது அதில் ஒருவருக்கு சுண்டு விரலே இல்லாமல் போய்விட்டது.

எப்படியும் படபிடிப்பு முடிவதற்குள் ஒவ்வொரு நபருக்கும் 100க்கும் மேற்பட்ட காயங்கள் ஏற்பட்டிருக்கும் என்று அவர் கூறுகிறார். விக்ரமும் கூட தங்கலான் படம் குறித்து கூறும் பொழுது மற்ற எந்த படத்தையும் விட தங்கலான் படத்திற்கு அதிகமாக கஷ்டப்பட்டு இருக்கிறேன் என்று கூறியுள்ளார்.