Latest News
கையில் குப்பை பையுடன் ராக்கி பாய்! – இப்போ இதான் ட்ரெண்ட்!
போன வருடம் வெளியான திரைப்படங்களில் மொத்த இந்தியாவையும் திரும்பி பார்க்க வைத்த ஒரு சில தென்னிந்திய திரைப்படங்களில் கே.ஜி.எஃப் திரைப்படமும் ஒன்று. நடிகர் ய்ஷ் நடித்து இயக்குனர் பிரசாந்த் நீல் இயக்கிய இந்த திரைப்படத்தின் இரண்டாம் பாகம் கிட்டத்தட்ட 1000 கோடிக்கும் அதிகமாக ஓடி ஹிட் அடித்தது.
கே.ஜி.எஃப் படத்தின் முதல் பாகம் வந்தபோது அது அந்த அளவிற்கு பெரும் ஹிட்டை கொடுக்கவில்லை. ஏனெனில் மக்கள் மத்தியில் அந்த படம் குறித்து எந்த ஒரு எதிர்பார்ப்பும் இருக்கவில்லை. முதல் பாகம் ஓ.டி.டியில் வந்த பிறகே அதற்கான வரவேற்பு அதிகரித்தது. முதல் பாகத்தை பார்த்த முக்கால்வாசி பேருக்கு கே.ஜி.எஃப் திரைப்படம் பிடித்துவிட்டது.
எனவே முதல் பாகத்திற்கும் சேர்த்து இரண்டாம் பாகம் ஹிட் அடித்தது. தற்சமயம் கே.ஜி.எஃப்பை வைத்து உருவாக்கிய மீம் ஒன்று சமூக வலைத்தளங்களில் ட்ரெண்டிங் ஆகி வருகிறது.
ரிசைக்கிள் இந்தியா என்னும் அமைப்பு மக்கள் மத்தியில் குப்பைகளை அகற்றுவது குறித்த விழிப்புணர்வை ஏற்படுத்தி வருகிறது. இதற்காக திரைப்பட நாயகர்களை வைத்து கார்ட்டூன் மீம்களை தயார் செய்து வெளியிடுவதை வழக்கமாக கொண்டுள்ளது.
ஏற்கனவே ஆர்,ஆர்,ஆர், பதான் போன்ற திரைப்படங்களின் கார்ட்டூன்களை தயார் செய்து அதை வெளியிட்டிருந்தது. இந்த நிலையில் தற்சமயம் அது வெளியிட்டுள்ள கே.ஜி.எஃப் புகைப்படம் சமூக வலைத்தளங்களில் ட்ரெண்டாகி வருகிறது.
அந்த மீமில் ஒரு கையில் குப்பை பையுடனும், மற்றொரு கையில் குப்பை வாரும் துடைப்பத்துடனும் ராக்கி பாய் இருப்பது போல வரையப்பட்டுள்ளது.