உண்மை கதையை அடிப்படையாகக் கொண்டு வெளியாக இருக்கும் திரைப்படம் தான் இந்த லாஸ்ட் பஸ் என்கிற திரைப்படம்.
திரையரங்குகளில் செப்டம்பர் 19ஆம் தேதியும் ஓடிடியில் அக்டோபர் 3ஆம் தேதியும் இது வெளியாக இருக்கிறது. 2018 ஆம் ஆண்டு அமெரிக்காவில் உள்ள கலிபோர்னியா மாகாணத்தில் மிகப்பெரிய காட்டு தீ உருவானது.
அது அருகில் இருக்கும் பல நகரங்களை சூறையாடியது. அப்படியான விபத்தின் பொழுது தப்பித்த ஒரு உண்மை பஸ் டிரைவரின் கதை தான் இந்த லாஸ்ட் பஸ் என்கிற திரைப்படம்.
கலிபோர்னியாவில் நெருப்பு பரவத் துவங்கிய போது பக்கத்தில் இருந்த நகரங்களில் இருந்து பலரும் இருப்பிடத்தை காலி செய்து கொண்டு கிளம்பினர் அப்படியாக சில மாணவர்களை தனது பேருந்தில் ஏற்றி கொண்டு கெவின் என்கிற பஸ் ட்ரைவர் கிளம்புகிறார்.
ஆனால் அவர் அந்த ரகரை தாண்டுவதற்கு உள்ளாகவே காட்டுத்தீ நகருக்குள் புகுந்து அதற்குள் இந்த பேருந்தும் சிக்கிக் கொள்கிறது. இந்த நிலையில் இந்த குழந்தைகளை இவர் எப்படி காப்பாற்றி அழைத்து வர போகிறார் என்பதாக கதைக்களம் அமைந்து இருக்கிறது.
