Actress Nayanthara and vignesh shivan: நடிகை நயன்தாரா தமிழ் சினிமாவில் உள்ள முக்கிய கதாநாயகிகளில் ஒருவராக இருக்கிறார். தமிழ் சினிமாவிலேயே அதிக சம்பளம் வாங்கும் ஒரு நடிகையாக நயன்தாரா இருக்கிறார் என்பது முக்கியமான விஷயமாகும்.
ஆரம்பத்தில் தமிழ் சினிமாவில் சூப்பர் ஸ்டார் நடித்த சந்திரமுகி திரைப்படம் மூலமாக அறிமுகமானவர் நடிகை நயன் தாரா. அதன்பிறகு கதை தேர்ந்தெடுப்பதில் இருந்த சிக்கலின் காரணமாக தெலுங்கு சினிமாவில் நிறைய ஆவரெஜான திரைப்படங்களில் நடித்தார் நயன்தாரா.
அதன் பிறகுதான் பெண் கதாபாத்திரத்திற்கு முக்கியத்துவம் கொடுத்து நடிக்கும் கதாபாத்திரங்களில் நடிக்க துவங்கினார். இந்த நிலையில் இயக்குனர் விக்னேஷ் சிவனுடன் காதலில் இருந்தவர் அவரையே மணந்துக்கொண்டார்.
போன மாதம் நயன் தாரா பிறந்தநாளை முன்னிட்டு அவருக்கு கார் வாங்கி தந்துள்ளார் இயக்குனர் விக்னேஷ் சிவன். மெர்சிடிஸ் நிறுவனத்தின் உயர் ரக கார் ஒன்றை வழங்கியுள்ளார். இந்த காரின் விலை 3.5 கோடி என கூறப்படுகிறது.
ஆடம்பர வசதிகளை கொண்ட இந்த கார் பணக்காரர்களுக்காகவே விடப்பட்ட காராகும். இந்த சொகுசு காரை ஏற்கனவே பாலிவுட்டிலும், கோலிவுட்டிலும் பலர் வைத்திருக்கின்றனர். தற்சமயம் அந்த வரிசையில் நடிகை நயன் தாராவும் வந்துள்ளார்.
இயக்குனர் விக்னேஷ் சிவனுக்குதான் பட வாய்ப்பே கிடைக்கவில்லையே. எப்படி அவர் இவ்வளவு காஷ்ட்லியான காரை வாங்கி தந்தார் என இதுக்குறித்து கேள்வி எழுப்பி வருகின்றனர் நெட்டிசன்கள்.
சென்னை வாசிகளை பொறுத்தவரை வெள்ளத்தில் தத்தளித்த குடும்பங்களுக்கு உதவி செய்வதை விடவும் பிரபலங்களுக்கு காஸ்ட்லி கார்கள்தான் முக்கியமானதாக இருக்கிறது. அந்த வகையில் கலக்கப்போவது யாரு பாலா மதிப்பிற்குரியவர் என்று விமர்சனம் அளித்து வருகின்றனர்.
