Goat: தமிழ் சினிமாவின் முன்னணி நடிகராக இருந்து வருபவர் விஜய். இவரின் திரைப்படங்கள் குறித்த அப்டேட் வந்துவிட்டால் ரசிகர்களுக்கு கொண்டாட்டம் தான். அந்த வகையில் விஜய் நடிக்கும் கோட் படத்தின் அப்டேட் வெளியான போது ரசிகர்கள் கொண்டாட்டத்தில் இருந்தார்கள்.
இந்நிலையில் கோட் படத்தின் படப்பிடிப்பின் போது விஜய், தான் இன்னும் இறுதியாக இரண்டு படங்கள் மட்டும் தான் நடிக்கப் போகிறேன். அதன் பிறகு அரசியலில் முழு நேரமாக பயணிக்க போகிறேன் என அறிவிப்பு ஒன்றை வெளியிட்டு இருந்தார். மேலும் அரசியல் கட்சி ஒன்றை தொடங்கி அதற்கான அப்டேட்டையும் வெளியிட்டு இருந்தார் விஜய்.
இந்நிலையில் இந்த செய்தி விஜயின் ரசிகர்களுக்கு அதிர்ச்சி அளிக்கும் விதத்தில் இருந்தது. மேலும் அவரை இனி அரசியலில் காணலாம் என ரசிகர்கள் அதனை ஏற்று கொண்டார்கள்.
இந்நிலையில் கோட் படத்தின் மூன்றாவது பாடல் வெளிவந்து பெரும் சர்ச்சையை ஏற்படுத்தியது. தற்பொழுது இது குறித்த புதிய அப்டேட் ஒன்று வெளியாகி சமூக வலைத்தளங்களில் வைரலாகி வருகிறது.
கோட் படம்
வெங்கட் பிரபு இயக்கத்தில் விஜய் நடித்து வரும் படம் கோட். விஜய்க்கு இறுதியான படம் என்பதால் அவரின் ரசிகர்கள் மிகுந்த எதிர்பார்ப்பில் இருந்தார்கள். இந்த படத்தில் மூன்று விஜய் காம்போவில் படம் உருவாகிறது என தெரிந்ததும் ரசிகர்கள் மகிழ்ச்சி அடைந்தார்கள்.
ஆனால் இந்த படத்தின் பாடல்கள் வெளியானதில் இருந்து எதிர்மறையான கருத்துக்கள் மட்டுமே வரத் தொடங்கியது. காரணம் இந்த படத்தில் முதலாவதாக வெளிவந்த விசில் போடு என்ற பாடல் அவ்வளவாக ரசிகர்களின் மத்தியில் வரவேற்பு பெறவில்லை.
அதன் பிறகு இரண்டாவதாக வந்த பாடல் AI முறையை கொண்டு பவதாரணி குரலை பயன்படுத்தி யுவன் சங்கர் ராஜா இசையமைத்து வெளியிடப்பட்டிருந்தது. மேலும் அந்த பாடல் ரசிகர்களின் மத்தியில் நல்ல வரவேற்பு பெற்றது.
இந்நிலையில் விஜயின் மூன்றாவது பாடல் வெளியாகி அது பல சர்ச்சைகளுக்கும் ட்ரோலுக்கும் உள்ளானது. காரணம் அந்த பாடலில் வரும் விஜய் டிஏஜ் செய்யப்பட்ட இளமையான தோற்றத்தில் வருவார். ஆனால் இது ரசிகர்களுக்கு அதிர்ச்சியை அளித்தது. ஏனென்றால் இந்த இந்தப் பாடலில் வரும் விஜய் அனைவராலும் ட்ரோலுக்கும் உள்ளாக்கப்பட்டார்.
வெங்கட் பிரபுவின் புதிய திட்டம்
கிராபிக்ஸ் முறையில் விஜயின் முகம் மாற்றப்பட்ட நிலையில் இது ரசிகர்களுக்கு ஏற்றும் கொள்ளும்படியாக இல்லை. எனவே டிஏஜிங்கில் தோன்றும் விஜயை சரி செய்வதற்கான வேலைகளில் வெங்கட் பிரபு இறங்கி உள்ளதாக தகவல் வெளிவந்துள்ளது.
மேலும் இளமை தோற்றத்தில் வந்த விஜய்யை சரி செய்யப்பட்ட நிலையில் உள்ள டிரைலரை வெளியிடலாம் என முடிவு செய்திருக்கிறார்களாம்.
சரி செய்யப்பட்ட டிரைலரை விஜய் பார்த்துவிட்டு நன்றாக இருப்பதாக கூறியுள்ளதாகவும், தற்பொழுது கோட் படத்தின் டிரெய்லர் ஆகஸ்ட் 19ஆம் தேதி வெளியாகும் என தெரிவிக்கப்பட்டுள்ளது. மேலும் இளமை விஜய் சரி செய்யப்பட்ட இந்த டிரெய்லர் ரசிகர்களின் மத்தியில் நல்ல வரவேற்பை பெறும் என பேசப்பட்டு வருகிறது.
