விஷபாட்டில் வேலையை ஆரம்பிச்சுடுச்சு.. நிக்சனுக்கு ஸ்கெட்ச் போடும் மாயா!..

Bigg boss tamil Nixen : கடந்த இரு வாரங்களாக பிக் பாஸ் வீடு தினேஷின் தலைமையில் நடந்து கொண்டிருந்தது. முதல் வாரம் தினேஷின் தலைமை அனைவருக்கும் பிடித்ததாக இருந்தது. ஏனெனில் அவர் விசித்திராவிற்கு கொஞ்சம் எதிராக நடந்து கொண்டார்.

ஆனால் இந்த வாரம் போக போக மற்றவர்களுக்கும் அவர் மீது அதிருப்தி உண்டானது. இதனை அடுத்து கடந்த சனி ஞாயிறு நடந்த பிக் பாஸில் தினேஷின் தலைமை அவ்வளவாக சரியில்லை என்று குற்றம் சாட்ட துவங்கிவிட்டனர் போட்டியாளர்கள்.

இந்த நிலையில் இந்த வாரத்திற்கான புது தலைவராக நிக்ஸன் தேர்ந்தெடுக்கப்பட்டுள்ளார். வாரா வாரம் ஒவ்வொருவரின் நிலைப்பாடும் மக்கள் மத்தியில் மாறும். இந்த வாரம் மக்கள் ஒருவருக்கு சப்போர்ட் செய்தால் அடுத்த வாரம் அவரையே எதிர்த்தும் பேசுவார்கள்.

ஆனால் மாயாவை பொறுத்தவரை இன்னும் மாயாவிற்கு அதிகமான எதிர்பாளர்கள் இருந்து கொண்டுதான் இருக்கிறார்கள். இந்த நிலையில் ஒவ்வொருத்தருக்கும் அவரது கதாபாத்திரத்தை குறிக்கும் வகையில் தலையில் மாட்டும் பேண்ட் ஒன்று தலையில் மாற்றப்பட்டது.

அப்படியாக மாயாவிற்க்கு விஷப்பாட்டில் என்கிற பேண்ட் மாற்றப்பட்டது இந்த நிலையில் இந்த வாரம் ஒரு புதிய டாஸ்கை அறிவித்துள்ளார் பிக் பாஸ் அதாவது நிக்சனின் தலைமையில் ஏதாவது ஒரு விஷயம் ஏற்றுக்கொள்ளும்படி இல்லை என்றால் அதை ஒரு புகாராக போட்டியாளர்கள் அளிக்க முடியும்.

அப்படி அவர்கள் அளிக்கும் குற்றச்சாட்டு ஏற்றுக் கொள்ளும் பட்சத்தில் நிக்சன் நேரடியாக அடுத்த வாரம் நாமினேஷனுக்கு தேர்ந்தெடுக்கப்படுவார் என்று கூறப்பட்டது. இந்த நிலையில் மாயா இந்த வாய்ப்பை பயன்படுத்தி நிக்ஸனை நாம் எலிமினேட் செய்து விடுவோம் என்று பேசிக் கொண்டிருக்கிறார். எனவே இப்போதும் கூட மாயா நேர்மையாக விளையாட மாட்டிங்கிறார், விஷபாட்டில் வேலையை காட்ட துவங்கிவிட்டது என்று அவரை குறித்து குற்றச்சாட்டை எழுப்பி வருகின்றனர் பிக் பாஸ் ரசிகர்கள்.