நயன்தாரா திருமணத்திற்கு வீடியோ எடுக்கப்போகும் பிரபல இயக்குனர்..! –  இவருக்கா இந்த நிலைமை?

இயக்குனர் விக்னேஷ் சிவனும், நயன்தாராவும் தமிழ் திரைத்துறையில் வெகுநாட்களாக காதல் ஜோடிகளாக இருந்து வருகின்றனர். வருகிற ஜூன் 9 ஆம் தேதியன்று இவர்கள் இருவருக்கும் திருமணம் ஆக இருக்கின்றது. இந்நிலையில் தமிழ் திரையுலகத்திற்கும், மக்களுக்கும் இதில் அதிக எதிர்ப்பார்ப்பு உள்ளது.

எனவே இவர்களது திருமணத்தை ஒ.டி.டி வழியாக வெளியிடலாம். மக்கள் அதை விரும்பி பார்ப்பார்கள் என திட்டமிடப்பட்டது. எனவே நெட்ப்ளிக்ஸ் ஓ.டி.டி தளம் நயன்தாரா, விக்னேஷ் சிவன் திருமணத்தை ஒளிப்பரப்ப உள்ளது.

இந்த திருமணத்தை ஒரு திரைப்படம் போல எடுக்கலாம் என திட்டமிடப்பட்டுள்ளது. எனவே இந்த திருமண வீடியோ ஆல்பத்தை எடுக்க பெரிய இயக்குனரை பணியமர்த்தி உள்ளனர்.

அதன்படி புகழ்பெற்ற இயக்குனர் கெளதம் மேனன் இந்த வீடியோ ஆல்பத்தை இயக்க இருக்கிறார். நெட்ப்ளிக்ஸில் வெளியாகும்போது அந்த திருமணம் சுவாரஸ்யமானதாக இருக்க வேண்டும் என்பதற்காக இந்த ஏற்பாடு செய்யப்பட்டுள்ளது.