சினிமாவில் காலியாக இருந்த நேரத்தில் கதையே இல்லாத படத்தில் நடிச்சேன்!. விஜய்யை தூக்கிவிட்ட படம்!.

சினிமாவில் எப்போதுமே நடிகர்களுக்கு வெற்றி படங்களாகவே அமைவதில்லை. சில நேரங்களில் படங்கள் பெரும் தோல்வியையும் காண்பதுண்டு. பெரிய நடிகர்களுக்கே கூட இது நடப்பதுண்டு. ஆனால் தொடர்ந்து ஒரு நடிகர் தோல்வி படங்களாக நடிப்பதால் அவருக்கு வாய்ப்புகள் குறைய துவங்கிவிடும்.

கிட்டத்தட்ட 2000 ஆம் வருடம் விஜய்க்கு அப்படிதான் இருந்தது. அவர் நடித்த திரைப்படங்கள் பெரிதாக வரவேற்பை பெறாமல் இருந்தது. ஆனால் அஜித் நடித்த முகவரி மாதிரியான படங்கள் அப்போது பெரும் வரவேற்பை பெற்று தந்தது.

இந்த நிலையில்தான் எஸ்.ஜே சூர்யா குஷி படத்தின் கதையை விஜய்யிடம் கூறினார். அவர் கதை சொன்ன விதமே மிகவும் பிடித்திருந்ததால் அந்த கதையில் நடிக்க ஒப்புக்கொண்டார் விஜய், குஷி திரைப்படம் பெரும் வெற்றியை பெற்றுக்கொடுத்தது.

ஒருமுறை விஜய்யை சந்தித்த இயக்குனர் விக்ரமன் இதுக்குறித்து கேட்கும்போது அது எப்படி விஜய் கதையே இல்லாத ஒரு படத்தை தேர்ந்தெடுத்து நடித்து அதில் ஹிட்டும் கொடுத்துள்ளீர்கள் என கேட்டுள்ளார்.

அதற்கு விஜய் எஸ்.ஜே சூர்யா கதை சொன்ன விதமே நன்றாக இருந்தது. அதனால்தான் ஒப்புக்கொண்டேன் என கூறியுள்ளார்.