தமிழ் சினிமாவில் 80 90களில் பிரபலமான நடிகராக இருந்தவர் நெப்போலியன். குடும்ப ரீதியாக அரசியல் தொடர்பும் உள்ள நடிகர் நெப்போலியன் தமிழக சட்டமன்றத் தேர்தலில் திமுக சார்பில் போட்டியிட்டு சட்டசபை உறுப்பினராகவும் அமைச்சராகவும் பதவி வகித்தவர். நெப்போலியன் திருமணம் ஆகி இரண்டு மகன்கள் உள்ளனர். அதில் இளைய மகனான தனுஷிற்கு தசை சிதைவு நோய் சிறு வயதில் இருந்தே உள்ளது.
இதனால் தனது மகன் வாழ்வதற்கு ஏற்ற சூழல் உள்ள அமெரிக்காவிற்கு தனது குடும்பத்துடன் குடி பெயர்ந்தார் நெப்போலியன். அங்கு தனது மகனுக்கு பல்வேறு சிகிச்சைகள் அவர் அளித்து வந்தவுடன் சொந்தமாக சில தொழில்களையும் அங்கேயே செய்து வருகிறார். சமீபத்தில் நெப்போலியன் தனது மகன் தனுஷிற்கு திருமண வரன் பார்த்து முடிவு செய்து இருந்தார்.
தூத்துக்குடியை சேர்ந்த ஒரு பெண்ணை தான் தனுஷிற்கு திருமணத்திற்கு நிச்சயம் செய்துள்ளனர். ஆனால் தனுஷ் தனது உடல்நிலை காரணமாக இந்தியா வர முடியாது என்பதால் திருமணத்தை வெளிநாட்டிலேயே நடத்த நெப்போலியன் குடும்பத்தினர் திட்டமிட்டு வருகின்றனர். சமீபத்தில் நடந்த நிச்சயதார்த்த விழாவிற்கு நெப்போலியன் அவரது மனைவி மட்டுமே இந்தியா வந்திருந்தனர்.
தனுஷ் மணப்பெண்ணுடன் வீடியோ கால் மூலமாக மட்டுமே பேசிக் கொண்டார். இவர்களது திருமணம் ஜப்பானில் நடைபெற வாய்ப்புகள் உள்ளதாக பேசிக் கொள்ளப்படுகிறது.
இந்த திருமணம் குறித்து பல்வேறு யூ டியூப் அவர்களும் பல தகவல்களை பேசி வரும் நிலையில் காந்தராஜ் என்பவர் தனுஷிற்கு உள்ள இந்தப் பிரச்சினையால் அவரால் தாம்பத்திய வாழ்க்கையில் ஈடுபட முடியாது என்றும், குழந்தை பெற்றுக் கொள்ள முடியாது என்றும் பேசி இருந்தார்.
ஆனால் இந்த தகவல்கள் உண்மை இல்லை என்று கூறுகிறார் நடிகர் நெப்போலியனின் மருத்துவமனையில் பணியாற்றி வரும் மருத்துவர் டேனியல். தசை சிதைவு நோயால் பாதிக்கப்பட்டவர்கள் தாம்பத்தியத்தில் ஈடுபட முடியாது என்று கூறப்படுவது உண்மை இல்லை என்று அவர் விளக்கம் அளித்துள்ளார்.
தனுஷின் உடல்நிலை குறித்தும் அவருக்கு திருமணம் செய்யலாமா என்பது குறித்தும் முன்னரே நெப்போலியன் குடும்பத்தினர் மருத்துவர்களை கலந்து பேசி, அதன் பின்னரே முடிவு செய்தனர். மேலும் தனுஷின் உடல்நிலை குறித்து மணப்பெண்ணிற்கு முழுவதுமாக தெரியும் என்றும் இருவரும் பரஸ்பரம் சம்மதம் தெரிவித்ததின் பேரிலேயே இந்த திருமணத்திற்கான பணிகள் நடந்து வருவதாகவும் அவர் விளக்கம் அளித்துள்ளார்.
