இதோ வர போகிறது நயன் விக்கி திருமண வீடியோ – தகவல் அளித்த நெட் ப்ளிக்ஸ்

தமிழ் சினி உலகில் நயன்தாரா, விக்னேஷ் சிவன் மாதிரி வேறு எந்த பிரபலமான ஜோடிகளையும் நாம் பார்க்க முடியாது. எவ்வளவோ திரை பிரபலங்கள் தமிழ் சினிமாவில் காதலித்து திருமணம் செய்துள்ளனர்.

ஆனால் பல வருடங்கள் காதலித்து பிறகு திருமணம் செய்து கொண்டதாலும், நயன்தாரா தமிழ் சினிமாவின் பிரபலமான நடிகை என்பதாலும் இவர்கள் மிகவும் பிரபலமான ஜோடிகளாக இருந்தனர்.

சமீபத்தில் இவர்கள் இருவருக்கும் திருமணம் நடைப்பெற்றது. இந்த திருமணம் பல்வேறு விதிமுறைகளுக்கு கீழ் நடைப்பெற்றது என கூறலாம். ஏனெனில் இந்த திருமணத்தை விடியோவாக எடுத்து அதை நெட்ப்ளிக்ஸில் வெளியிட திட்டமிடப்பட்டிருந்தது. இதற்காக நெட்ப்ளிக்ஸ் இவர்களுக்கு பெரும் தொகையை அளித்திருந்தது.

இதனால் திருமணத்தில் யாரையும் வீடியோ எடுக்கவோ போட்டோ எடுக்கவோ அனுமதிக்கவில்லை. இந்த வீடியோவை எடுப்பதற்கு இயக்குனர் கொளதம் மேனனை நியமித்திருந்தனர்.

இந்நிலையில் இந்த வீடியோ குறித்த டீசர் ஒன்றை வெளியிட்ட நெட்ப்ளிக்ஸ், விரைவில் இந்த வீடியோ வெளியாகும் என கூறியுள்ளது. இதற்கு பியாண்ட் த ஃபேரி டெல் என பெயரிட்டுள்ளது நெட்ப்ளிக்ஸ்