நடிகர் பிரதீப் ரங்கநாதன் தமிழ் சினிமாவில் தொடர்ந்து வாய்ப்புகளை பெற்று வரும் நடிகராக இருந்து வருகிறார். அவர் இயக்கிய முதல் திரைப்படமான கோமாளி திரைப்படமே அவருக்கு நல்ல வெற்றியை பெற்று கொடுத்தது. அதனை தொடர்ந்து பிரதீப் ரங்கநாதன் இயக்கி நடித்த திரைப்படம் லவ் டுடே.
இந்த திரைப்படம் பிரதீப் ரங்கநாதனின் மார்க்கெட்டை பெரிய உயரத்திற்கு கொண்டு சென்றது. இப்போது 10 கோடிக்கும் அதிகமாக சம்பளம் வாங்கும் நடிகராக இருக்கிறார் பிரதீப் ரங்கநாதன். லவ் டுடே திரைப்படத்தை தொடர்ந்து கதாநாயகனாக நிறைய வாய்ப்புகளை இவர் பெற்றார்.
அப்படியாக டிராகன் திரைப்படத்தில் நடித்ததை தொடர்ந்து அடுத்து விக்னேஷ் சிவன் இயக்கத்தில் எல்.ஐ.கே திரைப்படத்தில் நடித்து வருகிறார். இதற்கு நடுவே தற்சமயம் அவரது நடிப்பில் புது படம் குறித்த அப்டேட் வந்துள்ளது. அதன்படி அடுத்து தெலுங்கு சினிமாவுக்குள் எண்ட்ரி ஆகிறார் பிரதீப் ரங்கநாதன்.
பிரதீப் ரங்கநாதன் டூயுட் என்கிற திரைப்படத்தில் நடிக்கிறார். இதில் கதாநாயகியாக நடிகை மமிதா பைஜு நடிக்கிறார். இசையமைப்பாளர் சாய் அபயங்கர் இசையமைக்கிறார். மைதிரி மூவி மேக்கர்ஸ் இந்த படத்தை தயாரிக்கின்றனர்.
தென்னிந்தியாவில் பெரிய மார்க்கெட் என்றால அது தமிழ் மற்றும் தெலுங்கு சினிமாதான். அந்த ரெண்டு மார்க்கெட்டையுமே பிடிக்கிறார் பிரதீப் ரங்கநாதன்.
