Actor vijay: ஆரம்பத்தில் நடிகர் விஜய் சினிமாவிற்கு அறிமுகமானப்போது பெரும்பாலானவர்களுக்கு விஜய்யை அவ்வளவாக பிடிக்கவில்லை. ஏனெனில் விஜய் தொடர்ந்து தனது திரைப்படங்களில் ஒரு ப்ளேபாய் மாதிரியான கதாபாத்திரத்திலேயே நடித்து வந்தார்.
அதனை தொடர்ந்து அவருக்கான வாய்ப்புகளும் குறைய துவங்கின. முக்கியமாக நடிகை சங்கவியுடன் அவர் நடிக்கும் கவர்ச்சி காட்சிகள் எல்லாம் பலருக்கும் முகம் சுளிக்கும் விஷயமாக இருந்தன. இந்த நிலையில் விஜய்யின் சினிமா வாழ்க்கையை புரட்டி போடும் ஒரு விஷயமாக பூவே உனக்காக திரைப்படம் அமைந்தது.
ப்ளே பாயாக விஜய்யை ஏற்றுக்கொள்ளாத மக்கள் பிறகு ஒரு காதல் கதாநாயகனாக விஜய்யை கொண்டாட துவங்கினர். பூவே உனக்காக திரைப்படம் பட்டி தொட்டி எல்லாம் ஹிட் அடித்தது. அதற்கு பிறகு விஜய்க்கு பெரும் ஹிட் கொடுத்த திரைப்படம் என்றால் அது துள்ளாத மனமும் துள்ளும் திரைப்படமாகும்.
வாழ்க்கையை மாற்றி அமைத்த படம்:
சார்லி சாப்ளின் நடிப்பில் உருவான சிட்டி லைட்ஸ் என்னும் திரைப்படத்தின் கதையை கொண்டு எடுக்கப்பட்ட திரைப்படம் துள்ளாத மனமும் துள்ளும். அந்த திரைப்படம் விஜய்க்கு பெரும் வெற்றியை கொடுத்தது என்பதையும் தாண்டி அந்த படத்தின் இயக்குனர் எழிலுக்கு பெரும் வெற்றியாக அந்த படம் அமைந்தது,
இதுக்குறித்து இயக்குனர் எழில் ஒரு பேட்டியில் கூறும்போது துள்ளாத மனமும் துள்ளும் திரைப்படத்திற்கு பிறகு அதுவே என்னுடைய அடையாளமானது. அதற்கு பிறகு என்னை யார் பார்த்தாலும் சார் துள்ளாத மனமும் துள்ளும் படத்தின் இயக்குனர்தானே நீங்கள் என்றே கேட்டு வந்தனர்.
அதற்கு பிறகு நான் நிறைய வெற்றி படங்களை கொடுத்தப்பிறகு கூட பார்ப்பவர்கள் துள்ளாத மனமும் துள்ளும் படத்தின் இயக்குனர் என்றுதான் கூறுகின்றனர். இதனால் ஒரு சமயத்தில் எனக்கே கோபமாக வர துவங்கிவிட்டது. ஆனால் இப்போது உள்ள 2 கே கிட்ஸை பொறுத்தவரை அவர்கள் என்னை அப்படி அழைப்பதில்லை.
அதுவரை சந்தோஷம் என தனது மனநிலையை பகிர்ந்துள்ளார் இயக்குனர் எழில்.
