ஜான்விக் மாதிரியான கதைக்களமா? – எப்படியிருக்கு மைக்கேல்?

ட்ரைலர் வெளியானது முதலே வெகுவாக பேசப்பட்ட திரைப்படம் மைக்கேல். இன்று இந்த படம் வெளியாகியுள்ளது. இயக்குனர் ரஞ்சித் ஜெயக்கொடி இந்த படத்தை இயக்கியுள்ளார். இவர் ஏற்கனவே விஜய் சேதுபதியை வைத்து புரியாத புதிர் என்கிற த்ரில்லர் திரைப்படத்தை இயக்கி இருந்தார்.

இந்த நிலையில் தற்சமயம் மைக்கேல் படம் வரவேற்பை பெற்று வருகிறது. ஒரு காதல் ஆக்‌ஷன் திரைப்படமாக மைக்கேல் இருக்கிறது. இதில் கதாநாயகனாக சுதிப் கிஷன் நடித்துள்ளார். இந்த படம் ஹாலிவுட் திரைப்படமான ஜான்விக் திரைப்படத்தை தழுவியுள்ளது என ஒரு சிலர் கருத்து தெருவிக்கின்றனர்.

ஜான்விக் கதையில் பெரும் ரவுடியாக இருக்கும் ஜான்விக் தனது காதலிக்காக ரவுடி தொழிலை விட்டு வருவான். பிறகு நோய் வந்து தனது காதலி இறந்துவிடவே அவள் கொடுத்த நாயை வைத்துக்கொண்டு வாழ்ந்து வருவான். ஒரு இரவில் அந்த நாயை ஒரு கும்பல் கொன்றிடவே அவர்களை கொல்வதற்காக மீண்டும் ரவுடியாக களம் இறங்குவார் ஜான்விக்.

அதே போல இந்த படத்திலும் ரவுடியாக இருக்கும் கதாநாயகன் காதலிக்காக ரவுடி தொழிலை விடுகிறான். ஆனால் காதலிக்கே ஒரு ஆபத்து வரும் நிலையில் அவளை காப்பாற்ற கத்தியை எடுக்கிறான் கதாநாயகன். காதலியை காப்பாற்ற அவன் மேற்கொள்ளும் சாகசங்களே மைக்கேல் திரைப்படம்.

அதிகமான ரத்த காட்சிகள் இருந்தாலும் கூட இந்த படம் காதல் தொடர்பான திரைப்படம் என்பதால் இதற்கு மக்கள் மத்தியில் வரவேற்பு ஏற்பட்டுள்ளது.