ரஜினி படத்துக்கு நடிக்க போனதுக்கு சம்பவம் செஞ்சிட்டாங்க!.. சொத்து அனைத்தையும் இழந்த பொன்னம்பலம்…

தமிழ் சினிமாவில் பிரபலமான வில்லன் நடிகர் மற்றும் ஸ்டண்ட் மாஸ்டர் என அறியப்படுபவர் நடிகர் பொன்னம்பலம். பல காலமாக சினிமாவில் இருக்கும் பொன்னம்பலம் சினிமாவிற்கு முன்பு விளையாட்டில் அதிக ஆர்வம் காட்டி வந்தார்.

இதனால் அவரது உடல் மிகவும் வளைவு தன்மை கொண்டதாக இருந்தது அது சினிமாவில் சண்டை பயிற்சிக்கு ஏற்றதாக இருந்தது. எனவே சினிமாவில் ஸ்டண்ட் மேனாக அறிமுகமானார் பொன்னம்பலம். அதனை தொடர்ந்து அவருக்கு நிறைய வாய்ப்புகள் கிடைத்தன.

அவரின் தனிப்பட்ட திறமையே அதற்கு முக்கிய காரணமாக இருந்தது எந்த ஒரு சண்டை காட்சியையும் சிறப்பாக செய்யக்கூடியவராக பொன்னம்பலம் இருந்தார். இந்த நிலையில் உழைப்பாளி திரைப்படத்தில் சண்டை போடுவதற்கான வாய்ப்பு பொன்னம்பலத்திற்கு கிடைத்தது. அதுவும் ரஜினியுடன் நேரடியாக சண்டை போடுவது போன்ற காட்சி ஆகும்.

ஆனால் அந்தப் படத்தில் இருந்த ஸ்டெண்ட் மாஸ்டருக்கும் பொன்னம்பலத்திற்கும் ஏற்கனவே பிரச்சனை இருந்தது. எனவே பொன்னம்பலம் நடிப்பதில் அவருக்கு விருப்பம் இல்லாமல் இருந்தது. இதனால் அவர் ஒரு சூழ்ச்சி செய்தார் ஸ்டண்ட் மாஸ்டர்.

ஒருநாள் படபிடிப்பு நடக்கும் பொழுது அனைவரும் கிளம்பிய பிறகு இன்னும் ஒரு காட்சி மட்டும் எடுக்க வேண்டி இருக்கிறது என பொன்னம்பலத்திடம் கூறிய ஸ்டண்ட் மாஸ்டர் அவரை வைத்து அந்த காட்சியை படம் ஆக்கினார். அதில் உயரத்தில் இருந்து பொன்னம்பலம் குதிப்பது போன்ற காட்சி எடுக்கப்பட்டது.

அப்பொழுது அவர் கீழே விழும் பொழுது அவரை தாங்கிப் பிடிக்க இருக்கும் வலையை வேண்டுமென்று லூசாக கட்டினார் ஸ்டெண்டு மாஸ்டர். அப்பொழுது அங்கிருந்து கீழே விழுந்த பொன்னம்பலம் காலில் பெரும் அடிபட்டு மருத்துவமனையில் அனுமதிக்கப்பட்டார்.

கிட்டத்தட்ட பத்து மாதங்கள் கழித்து அவர் குணமடைந்தார் இந்த நிலையில் அவரது சொத்துக்களை விற்று அந்த மருத்துவ செலவை செய்திருக்கிறார் பொன்னம்பலம். பிறகு ரஜினியை சந்தித்த பொன்னம்பலம் இந்த விஷயங்களை எல்லாம் கூறி தனது வருத்தத்தை தெரிவித்துள்ளார். இதை அறிந்த ரஜினிகாந்த் உடனே கே.எஸ் ரவிக்குமாருக்கு போன் செய்து பொன்னம்பலத்திற்கு ஒரு நல்ல வாய்ப்பை கொடுங்கள் என கூறினார் அப்படித்தான் பொன்னம்பலத்திற்கு நாட்டாமை திரைப்படத்தில் வாய்ப்பு கிடைத்தது.