ஹாலிவுட்டில் த்ரில்லர் மற்றும் பேய் படங்களுக்கு பிரபலமான இயக்குனர் ஜேம்ஸ் வான். இவர் இயக்கிய கான்ஜெரிங், டெத் சைலன்ஸ் போன்ற பல ஹாரர் படங்களை இயக்கியுள்ளார்.
சமீபத்தில் இவர் இயக்கிய மாலிக்னெண்ட் என்கிற திரைப்படம் அதிக வரவேற்பை பெற்றது. இந்நிலையில் இவர் எழுதிய மற்றொரு கதைதான் மேகன். ஜெரால்ட் ஜான்ஸ்டோன் என்னும் இயக்குனர் இந்த படத்தை இயக்கியுள்ளார்.
மேகன் என்பது ஒரு ஏ.ஐ தொழில்நுட்பத்தில் உருவாக்கப்பட்ட ரோபோட் ஆகும். குழந்தைகளுக்கு ஆதரவாக இருக்க உருவாக்கப்பட்ட இந்த ரோபோட் கொஞ்சம் கொஞ்சமாக மனிதர்களை கொலை செய்யும் கொடூரமான ரோபோட்டாக மாறுகிறது. அதை வைத்து படத்தின் கதை செல்கிறது.
இந்த படம் வெளியாகி நல்ல ஹிட் கொடுத்தது. எதிர்ப்பார்த்ததை விடவும் நல்ல ஹிட் கொடுத்ததால் இந்த படத்தின் இரண்டாம் பாகத்தை எடுக்க படக்குழு முடிவு செய்துள்ளது. அதற்கு மேகன் 2.0 என பெயரிட்டுள்ளது படக்குழு. தமிழில் எந்திரனுக்கு பிறகு அதன் அடுத்த பாகத்திற்கு 2.0 என் பெயரிட்டது போலவே இந்த படத்திலும் பெயரிடப்பட்டுள்ளது.
மேலும் எந்திரன் படத்தில் வருவது போலவே உணர்ச்சி வந்து அதனால் இந்த ரோபோ கொலை செய்யும் ரோபாவாக மாறுகிறது. எனவே எந்திரனுக்கும் மேகனுக்கும் நிறைய ஒற்றுமைகள் இருப்பதாக கூறப்படுகிறது.
2025 ஆம் ஆண்டு மேகன் படத்தின் இரண்டாம் பாகத்தை எதிர்பார்க்கலாம் என படக்குழு கூறியுள்ளது.
