என்னை நானே வாழ்த்திக்கிட்டாதான் உண்டு!.. இனிய பிறந்தநாள் வாழ்த்துக்கள்… காமெடி செய்த விக்ரம்!..

Actor Chiyaan Vikram : தமிழ் சினிமா நடிகர்களில் கொஞ்சம் நகைச்சுவையான ஜாலியான நடிகர் விக்ரம். பொன்னியின் செல்வன் படத்தின் பிரமோசனுக்காக பல ஊர்களுக்கு சுற்றியப் பொழுதே அதில் அதிக சேட்டை செய்த ஒரு நபராக விக்ரம்தான் இருந்தார்.

பல இடங்களில் ஜெயம் ரவியை கூட விக்ரம் கலாய்த்துருப்பதை பார்க்க முடியும். தமிழ் சினிமாவை பொறுத்தவரை சாதாரண படங்களில் நடிப்போம் என்று நடிக்காமல் தொடர்ந்து நடிப்பிற்கும் முக்கியத்துவம் கொடுக்கும் படங்களில் நடித்து வருகிறார் விக்ரம்.

சொல்ல போனால் முடிந்த அளவு தன்னுடைய முழுமையான நடிப்பையும் வெளிப்படுத்தி பல படங்களில் நடித்து வருகிறார். ஏனெனில் அப்படியான படங்கள்தான் விக்ரமிற்கு ஒரு அடையாளமாக அமைகிறது. தற்சமயம் அவர் நடித்து வரும் தங்கலான் திரைப்படத்திற்கு ஏற்கனவே மக்கள் மத்தியில் அதிக வரவேற்பு இருந்து வருகிறது.

படம் வெளியாகும் நிலையில் கண்டிப்பாக பெரும் வெற்றியை அடையும் என்று நம்பப்படுகிறது. இந்த நிலையில் விக்ரம் வெகு நாட்களாக சினிமாவில் இருந்தாலும் அவருக்கு ஒரு பெரும் அடையாளத்தை கொடுத்த படம் சேது.

சேது திரைப்படம் வெளியான இரண்டு நாட்கள் பெரிதாக வரவேற்பு பெறவில்லை என்றாலும் அடுத்த சில நாட்களில் பெரும் வெற்றியை கொடுத்தது. அதற்குப் பிறகுதான் விக்ரமிற்கு சீயான் விக்ரம் என்ற பட்டப்பெயரும் வந்தது 10 பத்து டிசம்பர் 1999 அன்றுதான் சேது திரைப்படம் வெளியானது.

இந்நிலையில் நேற்று சேது திரைப்படத்தின் பிறந்த நாளை கொண்டாடும் வகையில் விக்ரம் ஹாப்பி பர்த்டே சீயான் என்கிற என்று தனது எக்ஸ் பக்கத்தில் பதிவிட்டுள்ளார் யாரும் பெரிதாக அதை கண்டு கொள்ளாமல் மறந்து விட்ட நிலையில் விக்ரமே தன்னுடைய முக்கியமான படத்தின் பிறந்த நாளை கொண்டாடி இருக்கிறார்.