Actor Simbu : ஹாலிவுட் படங்களுக்கு எப்போதுமே தமிழ் மக்கள் மத்தியில் ஒரு நல்ல வரவேற்பு உண்டு. தமிழ் மக்கள் மத்தியில் பிரபலமான சில ஹாலிவுட் படங்கள் உண்டு. அப்படியான ஒரு படத்தை தற்சமயம் சிம்புவை வைத்து படம் ஆக்குவதற்கான பேச்சுவார்த்தைகள் போய்க் கொண்டுள்ளன.
தற்சமயம் சிம்பு இயக்குனர் தேசிங்கு பெரியசாமி இயக்கத்தில் ஒரு திரைப்படத்தில் நடிக்க இருக்கிறார். இந்த திரைப்படத்தை கமல்ஹாசன் தயாரிக்கிறார். இதுவரை சிம்பு நடித்த திரைப்படங்களிலேயே இந்த திரைப்படம்தான் அதிக பட்ஜெட்டை கொண்ட திரைப்படம் எனக் கூறப்படுகிறது.
இதனால் சிம்பு நடிக்கும் திரைப்படத்தின் மீது அதிக எதிர்பார்ப்பு ஏற்பட்டு வருகிறது. தற்சமயம் வந்த செய்தியின்படி இந்த திரைப்படம் 300 பருத்தி வீரர்கள் என்று தமிழில் வெளியான திரைப்படத்தின் தழுவலாக இருக்கும் என்று கூறப்படுகிறது.
அதே கதைதான் இந்த படமும் என்று கூற முடியாது என்றாலும் படத்தின் காட்சி அமைப்புகள் மற்றும் திரைக்கதைகளில் 300 பருத்தி வீரர்கள் திரைப்படத்தின் தழுவல்கள் இருக்கும் என கூறப்படுகிறது. அப்படியான ஒரு படத்தில் சிம்பு கதாநாயகனாக நடிப்பது பெரும் எதிர்பார்த்தை ஏற்படுத்தி உள்ளது.
மேலும் 300 பருத்தி வீரர்கள் திரைப்படத்திற்கு தமிழக மக்கள் மத்தியிலேயே அதிக ரசிக்கப்பட்டாளம் இப்பொழுதும் உண்டு எனும் பொழுது அது மாதிரியே எடுக்கும் சிம்புவின் படத்திற்கும் கண்டிப்பாக வரவேற்பு கிடைக்கும் என எதிர்பார்க்கப்படுகிறது.
மாநாடு திரைப்படத்தை தொடர்ந்து வரிசையாக சிம்புவுக்கு வருகிற படம் எல்லாமே வெற்றி படங்களாகவே வந்து கொண்டிருக்கின்றன. ஏனெனில் சிம்பு முன்பு போல் இல்லாமல் தற்சமயம் சினிமாவின் மீது அதிக ஆர்வம் காட்டி நடித்து வருகிறார். எனவே இந்த படமும் அவருக்கு நல்ல வெற்றி படமாகவே அமைய வாய்ப்புள்ளது.
