News
அந்த ஒரு படத்துக்காக ரஜினி பட வாய்ப்பையே இழந்தேன்.. இப்ப இயக்குனர்கிட்ட சிக்கிட்டாரு!.. நடிகர் மைம் கோபிக்கு வந்த சிக்கல்!.
WhatsApp
Facebook
X
Threads
Instagram
பெரிய பட்ஜெட் படங்களில் நடிப்பது என்பது பல நடிகர்களுக்கும் கனவாக இருக்கும். ஏனெனில் பெரிய படங்களில்தான் அதிகமான வரவேற்புகள் கிடைக்கும். அப்படி சின்ன திரைப்படங்களில் எல்லாம் வாய்ப்பு பிடித்து பிடித்து தற்சமயம் மக்கள் மத்தியில் அறியப்படும் நடிகராக இருப்பவர் நடிகர் மைம் கோபி.
மெட்ராஸ் திரைப்படத்தில் இவர் நடித்த பெருமாள் கதாபாத்திரம் வரவேற்பை பெற்றது. மேலும் கபாலி திரைப்படத்திலும் முக்கிய கதாபாத்திரத்தில் நடித்திருந்தார். இவரது வளர்ச்சியில் இயக்குனர் பா.ரஞ்சித்திற்கும் முக்கிய பங்குண்டு
இந்த நிலையில் சலார் திரைப்படத்தில் நடித்ததால் 18 படங்களில் வாய்ப்பை இழந்ததாக கூறுகிறார் மைம் கோபி. கே.ஜி.எஃப் மூலம் பிரபலமான இயக்குனர் பிரசாந்த் நீல் இயக்கத்தில் உருவான திரைப்படம் சலார் சீஸ் ஃபயர்.
இந்த திரைப்படத்தில் பிரபாஸின் நண்பராகவும் முக்கிய கதாபாத்திரமாகவும் மைம் கோபி நடித்திருந்தார். இதுக்குறித்து அவர் கூறும்போது சலார் படத்துக்காக அந்த சமயத்தில் வந்த 18 படங்களில் நான் நடிக்கவில்லை.
ரஜினியுடன் நடிப்பதற்கு கூட வாய்ப்பு கிடைத்தது. ஆனால் சலார் காரணமாக அதை நிராகரித்தேன். ஏனெனில் படப்பிடிப்பு துவங்கும்போது சில காரணங்களால் சலார் படத்தில் நடிப்பதில் சிக்கல் ஏற்பட்டது. மீண்டும் அந்த சிக்கல் வரக்கூடாது என்பதற்காக நான் மற்ற படங்களில் நடிக்கவில்லை.
இப்போதும் கூட அடுத்து இரண்டாம் பாகம் எடுக்க வேண்டும் என்பதால் என்னை தாடி எடுக்க கூடாது என இயக்குனர் கூறியுள்ளார். மேலும் வேறு படங்களில் கமிட் ஆவதற்கு நான் அவரிடம் அனுமதி பெற வேண்டும் என்கிறார் மைம் கோபி..
