தமிழ் சினிமாவில் தொடர்ந்து திரைப்பட அப்டேட்களாக கொடுத்து வருகிறார் நடிகர் சிம்பு. மாநாடு திரைப்படத்திற்கு பிறகு சிம்புவின் நடவடிக்கைகள் என்பது தமிழ் சினிமாவில் வேற லெவலில் இருக்கிறது. தக் லைஃப் திரைப்படத்திற்கு பிறகு வரிசையாக தனது திரைப்படங்கள் குறித்த அப்டேட்களை கொடுத்துள்ளார் சிம்பு.
அந்த வகையில் சிம்புவின் 51 ஆவது திரைப்படத்தை இயக்குனர் அஸ்வத் மாரிமுத்து இயக்க இருக்கிறார். இவர் ஏற்கனவே டிராகன், ஓ மை கடவுளே ஆகிய திரைப்படங்களை இயக்கியுள்ளார். டிராகன் திரைப்படத்தில் அஸ்வத் மாரிமுத்து ஒரு சின்ன கதாபாத்திரத்திலும் நடித்துள்ளார்.
இந்த நிலையில் இவர் ஒரு பேட்டியில் எஸ்.டி.ஆர் 51 பற்றி கூறியிருந்தார். அதில் அவர் கூறும்போது சிம்புவுக்கு 6 லக்கி நம்பர். அவரது ஆறாவது திரைப்படம் மன்மதன். அந்த படத்தை அவர்தான் இயக்கினார். அதே போல 51 ஆவது படத்தையும் அவர்தான் இயக்க ஆசைப்பட்டார்.
5+1=6 என வருவதால் இந்த படத்தை இயக்க நினைத்தார். இதுக்குறித்து சிம்பு என்னிடம் கூறும்போது நான் இந்த படத்தை இயக்க இருந்தேன். நீ குறுக்க புகுந்துட்ட பரவாயில்லை. என்னோட 60 ஆவது படத்தை நான் இயக்கிக்கிறேன் என கூறியுள்ளார் சிம்பு.
இந்த விஷயத்தை அஸ்வத் மாரிமுத்து ஒரு பேட்டியில் கூறியுள்ளார். எனவே 60 ஆவது திரைப்படத்தை சிம்பு இயக்குவார் என இதன் மூலம் தெரிகிறது.
