எஸ்.கே தேர்ந்தெடுக்கும் இயக்குனர்கள்கிட்ட இந்த ஒற்றுமையை கவனிச்சீங்களா? பட வெற்றிக்கு பின்னால் இருக்கும் மாஸ்டர் ப்ளான்..!

தொடர்ந்து சிவகார்த்திகேயன் தற்சமயம் 100 கோடியை தாண்டி வசூல் கொடுக்கும் நடிகராக மாறி இருக்கிறார். ஆரம்பத்தில் சிவகார்த்திகேயன் தேர்ந்தெடுக்கும் படங்களுக்கும் இப்பொழுது அவர் தேர்ந்தெடுக்கும் பழங்களுக்கும் இடையே நிறைய வித்தியாசங்களை பார்க்க முடிகிறது.

அதே சமயம் தொடர்ந்து சிவகார்த்திகேயன் கொடுத்த வெற்றி படங்களுக்கு பின்னால் ஒரு ஒற்றுமை இருக்கிறது அதை கண்டுபிடித்த நெட்டிசன்கள் தற்சமயம் இதற்காக சிவகார்த்திகேயனை பாராட்டி வருகின்றனர். பெரும்பாலும் இப்பொழுது சிவக்கார்த்திகேயன் நடிக்கும் படங்கள் எல்லாம் அறிமுக இயக்குனர்களாலேயே இயக்கப்படுகிறது.

அதிக அனுபவம் வாய்ந்த இயக்குனர்களிடம் படம் நடிக்கும் அதே சமயம் புது இயக்குனர்கள் படங்களிலும் நடித்து வருகிறார் சிவகார்த்திகேயன். அப்படியாக அவர் நடித்த திரைப்படங்கள் தான் இப்பொழுது அவருக்கு தொடர்ந்து வெற்றியை கொடுத்திருக்கின்றன.

பின்னால் உள்ள ரகசியம்:

அந்த வரிசையில் பார்க்கும் பொழுது முதன் முதலில் சிவகார்த்திகேயனுக்கு 100 கோடி ரூபாய் ஹிட் கொடுத்தது டாக்டர் திரைப்படம். இந்த திரைப்படம் வெளியாகி 25 நாட்களில் 100 கோடி ரூபாய் வசூல் சாதனை படைத்தது.

இதன் இயக்குனரான நெல்சன் இதற்கு முன்பு கோலமாவு கோகிலா என்கிற திரைப்படத்தை இயக்கினார். அவரது இரண்டாவது திரைப்படம் டாக்டர் அதேபோல டான் திரைப்படத்தின் இயக்குனரான சிபி சக்கரவர்த்திக்கு டான் தான் முதல் திரைப்படம்.

அந்த திரைப்படம் 12 நாட்களில் 100 கோடி ரூபாய் வசூல் செய்தது இப்பொழுது சிவகார்த்திகேயன் நடித்திருக்கும் அமரன் திரைப்படம் ராஜ்குமார் பெரியசாமியின் இரண்டாவது திரைப்படம் ஆகும். இந்த திரைப்படம் மூன்றே நாட்களில் 100 கோடி ரூபாய் வசூல் செய்திருக்கிறது.

எனவே தொடர்ந்து சிவக்கார்த்திகேயன் புது இயக்குனர்களுக்கு அதிக வாய்ப்புகள் கொடுப்பார் என்று எதிர்பார்க்கப்படுகிறது மேலும் இது தான் சிவகார்த்திகேயனின் வெற்றியின் ரகசியம் என்றும் கூறப்படுகிறது.