ஒழுங்கா மன்னிப்பு கேக்கலைனா அவ்வளவுதான்!.. ஞானவேல்ராஜாவிற்கு வார்னிங் விட்ட பாரதிராஜா.. சிங்கம் களம் இறங்கிடுச்சு!..

சமூக வலைத்தளங்கள் வழியாக Updateகளை பெற :

WhatsApp Facebook X Threads Instagram

Gnanavel raja and bharathi raja : கடந்த ஒரு வாரமாக சமூக வலைத்தளங்களில் அதிக சர்ச்சைக்குள்ளாகி வரும் விஷயமாக தயாரிப்பாளர் ஞானவேலின் பேட்டி இருந்து வருகிறது. சமீபத்தில் பேட்டி ஒன்றை அளித்த ஞாவேல்ராஜா பருத்திவீரன் திரைப்படம் குறித்தும் இயக்குனர் அமீர் குறித்தும் கடுமையாக பேசியிருந்தார்.

அதாவது இயக்குனர் அமீருக்கு படமே எடுக்க தெரியாது என்பது போல இருந்தது அவரது பேச்சு. மேலும் படத்தில் சரியான கணக்கு காட்டப்படவில்லை என்றும் கூறப்பட்டது. இந்த விவாதம் துவங்கியது முதலே அமீருக்கு அதிகமான வரவேற்புகள் வந்த வண்ணம் உள்ளன.

இதில் முதலில் கையை உயர்த்தியது இயக்குனர் சசிக்குமார், அதற்கு அடுத்து அவருக்கு ஆதரவாக இயக்குனர் சமுத்திரக்கனி ஒரு பதிவை வெளியிட்டிருந்தார், மேலும் அந்த படத்தில் நடித்திருந்த நடிகர் பொன்வன்னனும் ஞானவேல்ராஜாவிற்கு எதிராக பேசியிருந்தார்.

இந்த நிலையில் தமிழின் மூத்த இயக்குனரான பாரதிராஜாவும் தற்சமயம் அமீருக்கு ஆதரவு பதிவு ஒன்றை எழுதியுள்ளார். அதில் அவர் கூறும்போது ”பருத்திவீரன் திரைப்படம் சார்ந்து உங்களுக்குள் இருப்பது பொருளாதார பிரச்சனை மட்டுமே. ஆனால் நீங்கள் தந்த பேட்டியில் படைப்பாளியின் புகழுக்கும், பெயருக்கும், படைப்பிற்கும் களங்கம் ஏற்படுத்தும் வகையில் பேசியிருப்பது கண்டிக்கத்தக்கது.

நீங்கள் மிகப்பெரும் தயாரிப்பாளராக உருவானதில் அமீருன் பங்களிப்பு மிகப்பெரியது. உங்கள் படம் இயக்குவதற்கு முன்பே அவர் இரண்டு படங்களை இயக்கிவிட்டார். அவர் படைப்புகளையும் நேர்மையையும் இழிவுப்படுத்தியதற்காக வருத்தம் தெரிவித்து இந்த பிரச்சனையை சுமூகமாக முடிப்பதே சரி என கூறியுள்ளார் பாரதிராஜா.

இதனையடுத்து இந்த பிரச்சனை மீண்டும் சூடுப்பிடித்துள்ளது.