விளையாட்டா சொன்ன தண்டனைகளை நிஜமாக்கிய பிக்பாஸ்.. சிக்கிய நிக்சன்!.. இனி கொடுமையா இருக்க போகுது!.

Biggboss tamil nixen : பிக்பாஸ் நிகழ்ச்சியில் ஐஸ்வர்யாவை காதலிக்க துவங்கியது முதல் நிக்சன் மீது மக்கள் மத்தியில் நல்ல வரவேற்பு வர துவங்கியது. அதன் பிறகு ஒவ்வொருவரும் பிக்பாஸில் இருக்கும் வேறு போட்டியாளர்கள் போல நடிக்கும் டாஸ்க் வந்தப்போது விசித்திராவாக நடித்த நிக்சன் மிக சிறப்பாக அதை செய்திருந்தார்.

அதனை தொடர்ந்து அவருக்கு நல்ல வரவேற்பு கிடைத்தது. இந்த நிலையில் இன்று தன்னுடைய பிறந்த நாளை ஒட்டி காலையிலேயே ரஜினி பாடல் போடவில்லை என்று குறையோடு சுற்று கொண்டிருந்தார் நிக்சன். இதற்கு நடுவே க்ரியேட்டிவாக என்ன மாதிரியான தண்டனை கொடுக்கலாம் என்று சொல்ல வேண்டும் என நிக்சனுக்கு டாஸ்க் கொடுக்கப்பட்டது.

இதனையடுத்து சில தண்டனைகளை விளையாட்டாக கூறினார் நிக்சன் அவை:

• ஒருவாரத்திற்கு காபி கிடையாது
• ஒருநாள் முழுக்க கேஸ் ஆஃப் செய்யப்படும்
• பிக்பாஸ் வீட்டிற்குள் ஒரு நாள் முழுக்க அனுமதிக்க கூடாது.
• மின்சாரத்தை ஒரு நாள் முழுக்க கட் செய்ய வேண்டும்
• ஒரு வாரத்திற்கு ஜெயிலில் போட வேண்டும்
• ஒரு நாள் முழுக்க உணவு கொடுக்க கூடாது
• வெயிலில் சட்டையை கழட்டி உடலில் உப்பு தடவ வேண்டும்.
• கூல் சுரேஷுடன் இணைந்து உடற்பயிற்சி செய்ய வேண்டும்.
• தவறு செய்தவரை இருப்பதாகவே மற்ற போட்டியாளர்கள் மதிக்க கூடாது

இப்படியான தண்டனைகளை கூறினார்.

இதனை கேட்ட பிக்பாஸ் “நிக்சன் நீங்கள் கூறிய தண்டனைகளுக்கு நன்றி, நமது க்ரியேட்டிவ் டீம் உங்கள் தண்டனைகளை வரிசைப்படுத்தியுள்ளோம். அவற்றில் சரி என தெரிவதை அப்படியே நிறைவேற்றிவிடுவோம்.” என கூறியிருக்கிறார். இதனை கேட்டு அதிர்ச்சியான நிக்சன் அப்படியே வீட்டிற்குள் சென்றுவிட்டார்.