தமிழ் சினிமாவில் நாம் பார்த்து ரசித்த பல நடிகர்கள் ஹாலிவுட் திரைப்படங்களில் நடித்து பிரபலமாகி இருப்பது தற்போது சமூக வலைத்தளங்களில் வைரலாகி வருகிறது.
தென்னிந்தியா சினிமா பாலிவுட் சினிமா என அனைவரும் பார்த்து வியக்கும் சினிமா என்றால் அது ஹாலிவுட் சினிமா தான். வாழ்வில் ஒருமுறையாவது ஹாலிவுட் திரைப்படங்களில் நடிக்க வேண்டும் என பல நடிகர் நடிகைகளுக்கும் ஆசை இருக்கும். ஆனால் அந்த வாய்ப்பு அனைவருக்கும் அமையாது.
இந்நிலையில்தான் ஹாலிவுட் திரைப்படங்களில் நடித்த தமிழ் நடிகர்கள் பற்றிய பட்டியல் சமூக வலைத்தளங்களில் வைரலாகி வருகிறது.
ஜி.வி பிரகாஷ்
தமிழ் சினிமாவில் நடிகராகவும், இசையமைப்பாளராகவும் மனம் வரும் ஜிவி பிரகாஷ் ஹாலிவுட்டில் வெளியான ட்ராப் சிட்டி என்ற படத்தின் மூலம் அவர் ஹாலிவுட்டில் நடித்திருந்தார். இந்த படத்தில் இவர் ஹீரோவின் உயிரைக் காப்பாற்றும் அறுவை சிகிச்சை நிபுணராக நடித்தது குறிப்பிடத்தக்கது.
நடிகை தபு
இவர் தென்னிந்திய சினிமா மட்டுமில்லாமல் பாலிவுட்டிலும் தனக்கான ரசிகர் கூட்டத்தை வைத்திருப்பார். இவர் ஹாலிவுட் இல் கடந்த 2006 ஆம் ஆண்டு நேம்சேக் மற்றும் கடந்த 2012 ஆம் ஆண்டு வெளிவந்த லைஃப் ஆஃப் பை என்ற திரைப்படங்களில் மூலம் ஹாலிவுட் அறிமுகமானார். அதன் பிறகு பல ஹாலிவுட் படங்களிலும் கமிட் ஆனார்.
நடிகர் மாதவன்
நடிகர் மாதவன் தென்னிந்திய சினிமா மற்றும் பாலிவுட்டில் பிரபல நடிகராக அறியப்படுபவர். இவர் ஹாலிவுடில் கடந்த 1997 ஆம் ஆண்டு வெளிவந்த இண்பெர்னோ என்ற திரைப்படத்தில் நடித்திருக்கிறார். அதன் பிறகு தான் தென்னிந்திய சினிமா மற்றும் பாலிவுட் சினிமாவில் நடித்தார்.
நடிகர் ரஜினிகாந்த்
உலக அளவில் கோடிக்கணக்கான ரசிகர்களை வைத்திருக்கும் ரஜினிகாந்த் தமிழில் முன்னணி நடிகராக நடித்து வருகிறார். இவர் ஹாலிவுட்டில் வெளிவந்த Blood Stone திரைப்படத்தில் ப்ரெட் ஸ்டிம்லி என்ற நடிகருடன்,இரண்டாவது ஹீரோவாக நடித்திருப்பார்.
நடிகர் தனுஷ்
தமிழ் சினிமாவில் முன்னணி நடிகராக வலம் வரும் நடிகர் தனுஷ் ஹாலிவுட் ‘ தி கிரே மேன் ‘ என்ற திரைப்படத்தில் கதாநாயகனாக நடித்திருந்தார். இந்த திரைப்படம் இவருக்கு சர்வதேச அளவில் அங்கீகாரம் பெற்றுக்கொடுத்தது.
