வீடியோ கால் பேசும் காதலர்களை குலைநடுங்க வைத்த சம்பவம் – தெரியாம கூட இத செஞ்சிடாதீங்க

இணையதளம் என்பது வர வர பலருக்குமே ஆபத்தை ஏற்படுத்தும் ஒரு விஷயமாக இருந்து வருகிறது. சின்ன பிள்ளைகளில் தொடங்கி வயதானவர்கள் வரை அனைவரும் ஆன்லைன் மோசடிகள் மூலமாக தொடர்ந்து பாதிக்கப்பட்டு வருகின்றனர்.

ஏதாவது ஒரு மோசடியை சந்திக்க வேண்டிய சூழ்நிலை இப்பொழுது அவர்களுக்கு உருவாகியிருக்கிறது. இதை கட்டுப்படுத்துவதற்கான வாய்ப்புகளும் மிகக் குறைவாகவே இருக்கிறது. இதை சரி செய்வதற்கு மக்கள் விழிப்புணர்வாக இருப்பது மட்டுமே ஒரே வழி என்கிற நிலை ஏற்பட்டு இருக்கிறது.

இந்த நிலையில் சென்னையில் இருந்து மும்பைக்கு சென்று படித்து வந்த ஒரு பெண்ணுக்கு நடந்த நிகழ்வு சமீபத்தில் அதிக அதிர்ச்சியை ஏற்படுத்தியிருக்கிறது. இந்த பெண் இன்ஸ்டாகிராம் மூலமாக கன்னியாகுமரியை சேர்ந்த இளைஞர் ஒருவருடன் பழக்கத்தில் இருந்திருக்கிறார்.

பெண்ணுக்கு நடந்த சோகம்:

இந்த இளைஞர் தொடர்ந்து சாட் மூலமாக பேசி வந்தவர் பிறகு கால் செய்து பேசியிருக்கிறார். ஒரு கட்டத்தில் வீடியோ காலில் வருமாறு அழைத்திருக்கிறார் வீடியோ காலில் நிர்வாண வீடியோ கால் செய்ய வேண்டும் என்று தொடர்ந்து அந்த பெண்ணை வற்புறுத்தி இருக்கிறார்.

அந்த பெண் அதற்கு ஒப்புக்கொள்ளாத காரணத்தினால் கத்தியை எடுத்து கையை அறுத்துக் கொள்வேன் என்று கூறி மிரட்டி இருக்கிறார் இதனால் பயந்து போன அந்த பெண் இரண்டு முறை அவருக்கு நிர்வாண வீடியோ கால் செய்திருக்கிறது.

இந்த நிலையில் அந்த வீடியோ காலை ரெக்கார்ட் செய்து வைத்துக் கொண்ட அந்த இளைஞர் தொடர்ந்து அந்த பெண்ணை மிரட்டி பணம் பறிக்க துவங்கியிருக்கிறார். இப்படி மிரட்டி கொஞ்சம் கொஞ்சமாக அந்த பெண்ணிடம் இருந்து 5 லட்சம் ரூபாய் வரை இவர் வாங்கி இருக்கிறார். பிறகு அதுவும் பத்தவில்லை என்று மீண்டும் ஒரு 50 ஆயிரம் ரூபாய் கேட்டிருக்கிறார்.

ஒரு கட்டத்திற்கு மேல் இந்த தொல்லையை தாங்க முடியாத அந்த பெண் காவல்துறையிடம் சென்று புகார் அளித்து இருக்கிறார். இதனை தொடர்ந்து தற்சமயம் போலீசார் இது குறித்த விசாரணையை துவங்கி இருக்கின்றனர். இந்த மாதிரியான ஆன்லைன் விஷயங்களை பொறுத்தவரை பெண்கள் இன்னமும் உஷாராக இருக்க வேண்டிய சூழ்நிலை ஏற்பட்டு இருக்கிறது.