என்னது என் தங்கச்சி கூட எனக்கு கல்யாணம் ஆகுமா!.. மாயா பதிலால் ஆடி போன கூல் சுரேஷ்!..

Cool Suresh and Maya in biggboss 7 Tamil : பிக்பாஸ் நிகழ்ச்சியில் தற்சமயம் உறுதியான போட்டியாளர்கள் என்று முக்கியமான நான்கு போட்டியாளர்களை கூறலாம். விசித்திரா, தினேஷ், அர்ச்சனா, கூல் சுரேஷ் இதில் மக்கள் மத்தில் எதிர்மறையான விமர்சனமே பெறாத ஒரு போட்டியாளராக கூல் சுரேஷ் இருந்து வருகிறார்.

இத்தனைக்கும் வெளியில் இருந்தவரை எப்போதும் சர்ச்சைக்குள்ளாகி வரும் கூல் சுரேஷ், பிக்பாஸ் வீட்டிற்குள் சென்றது முதல் எந்த பிரச்சனையாக இருந்தாலும் அதை ஈஸியாக கையாள்பவராக இருந்து வருகிறார். மாயா கேப்டனாக இருந்தப்போது மட்டும் ஒருமுறை ஆவேசமாக சத்தம் போட்டார்.

இந்த நிலையில் இந்த வாரம் முதல் மாயாவே கொஞ்சம் ஜாலியாகதான் பிக்பாஸ் விளையாட்டை விளையாடி வருகிறார். நேற்று இரவு 90ஸ் கிட்ஸின் பிடித்த விளையாட்டான Flames விளையாட்டை விளையாடி கொண்டிருந்தனர்,

எனவே கூல் சுரேஷின் பெயரையும் போட்டு விளையாடலாம் என முடிவு செய்து அவரின் பெயரை எழுதினார்கள். பிறகு மற்றொரு பெண் பெயரை எழுதலாம் என கேட்ட பொழுது கூல் சுரேஷ் தனது மனைவி பெயரை கூறினார். மனைவி இல்லாமல் வேறு ஒரு பெண் பெயரை கூறுமாறு கூறினார்கள்.

உடனே அவர் உமா மகேஸ்வரி என்ற பெயரை கூறினார். அந்த பெயரை வைத்து ஃப்ளேம்ஸ் விளையாடிய மாயா அண்ணா உங்களுக்கும் அந்த பொண்ணுக்கும் கல்யாணம் நடக்க போகுது அண்ணா என கூறிவிட்டார். அதை கேட்டு அதிர்ச்சியான கூல் சுரேஷ் ”அது என்னோட தங்கச்சி பேரும்மா” என கூறியுள்ளார்.

எதுக்குன்னா தங்கச்சி பேரை சொன்னீங்க என சிரித்துக்கொண்டே கேட்ட மாயாவிடம், நீதானம்மா ஏதாச்சும் ஒரு பொண்ணு பேரு சொல்ல சொன்ன என பரிதாபமாக கூறியுள்ளார் கூல் சுரேஷ். மனுசன் flames கூட தெரியாத அப்பாவியாக இருக்காரே என அவர் குறித்து விமர்சனம் அளித்து வருகின்றனர் நெட்டிசன்கள்.