சினிமாவை விட்டே போக இருந்த சமயத்தில் பாலாதான் உதவி பண்ணுனார்!..

Music Director GV Prakash: தமிழில் உள்ள பிரபலமான இசையமைப்பாளர்களில் மிகவும் முக்கியமானவர் ஜி.வி பிரகாஷ். யுவன் சங்கர் ராஜாவை போலவே இவரும் இளம் வயதிலேயே சினிமாவிற்கு இசையமைக்க வந்துவிட்டார். தன்னுடைய முதல் படமான வெயில் திரைப்படத்திற்கு இசையமைத்தப்போது ஜிவி பிரகாஷிற்கு 17 வயதுதான் ஆகியிருந்தது.

ஆனால் அந்த படத்திலேயே வெயிலோடு விளையாடி, உருகுதே மருகுதே ஆகிய பாடல்கள் பெறும் வெற்றியை கொடுத்தன. அதனை தொடர்ந்து மிகவும் பிரபலமானார் இசையமைப்பாளர் ஜி.வி பிரகாஷ். அதன் பிறகு ஜி.வி பிரகாஷ் இசையில் வெளிவந்த பாடல்கள் அனைத்து பெரும் வெற்றியை கொடுத்தன.

முக்கியமாக இயக்குனர் ஏ.எல் விஜய் தொடர்ந்து ஜிவி பிரகாஷிற்கு வாய்ப்பு கொடுத்து வந்தார். ஆனால் அப்படியெல்லாம் வெற்றியை கொடுத்தும் கூட சில காலங்களுக்கு பிறகு ஜிவி பிரகாஷின் மேல் மக்களுக்கு இருந்த வரவேற்பு குறைந்தது. பிறகு சினிமாவில் படங்கள் நடிக்க துவங்கினார் ஜிவி பிரகாஷ்.

ஆரம்பத்தில் படங்கள் எதுவும் பெரிதாக வெற்றியடையவில்லை. இந்த நிலையில் இந்த விஷயத்தை அறிந்த இயக்குனர் பாலா தான் இயக்கிய நாச்சியார் திரைப்படத்தில் ஜிவி பிரகாஷிற்கு வாய்ப்பு வழங்கினார். அது ஜிவி பிரகாஷிற்கு நல்ல திருப்புமுனையாக அமைந்தது.

ஒரு பேட்டியில் பேசும்போது இதற்காக பாலாவிற்கு நன்றி கூறியுள்ளார் ஜிவி பிரகாஷ்.