தளபதி 69ம் அஜித் இயக்குனர் கூடவா?.. சரியான ஸ்கெட் போட்ட தளபதி!.. சரியான செலக்‌ஷன்தான்!..

நடிகர் விஜய் தற்சமயம் கோட் திரைப்படத்தில் நடித்து கொண்டிருக்கிறார். இந்த படத்தின் முக்கால்வாசி படப்பிடிப்புகள் முடிந்துவிட்டன. பொதுவாக ஒரு படத்தின் பாதி பட வேலைகள் முடிந்த உடனேயே அடுத்த படம் குறித்த அப்டேட்டை வழங்கிவிடுவார் தளபதி விஜய்.

ஆனால் இந்த முறை மட்டும் இன்னமும் வழங்கவில்லை. அரசியலுக்கு வந்த பிறகு இன்னும் ஒரு படம் தான் நடிப்பேன். அதற்கு பிறகு முழுமையாக சினிமாவை விட்டு விலக போகிறேன் என விஜய் கூறியிருந்த நிலையில் அந்த கடைசி படத்தை யார் இயக்க போகிறார்கள் என்பது பெரிய கேள்வியாக இருந்தது.

ஏற்கனவே வெற்றிமாறனில் துவங்கி பலரது பெயர் இதில் அடிப்பட்டு வந்தது. இந்த நிலையில் தற்சமயம் ஹெச்.வினோத்தான் அவரது இறுதி படத்தை இயக்க போவதாக தகவல்கள் வெளியாகி வருகின்றன. பொதுவாக விஜய்யை வைத்து திரைப்படம் இயக்கும் இயக்குனர்களோடு அஜித் படம் பண்ணமாட்டார்.

அதேதான் விஜய்க்கும். ஆனால் இறுதி திரைப்படங்களை தொடர்ந்து அஜித் பட இயக்குனர்களுக்கு வழங்கியுள்ளார் விஜய். வெங்கட் பிரபுவும் ஏற்கனவே அஜித்தை வைத்து மங்காத்தா திரைப்படத்தை இயக்கி உள்ளார். அதே போல ஹெச். வினோத் துணிவு, வலிமை ஆகிய இரு திரைப்படங்களை இயக்கியுள்ளார்.

விஜய் தன்னுடைய இறுதி படமானது அரசியல் சார்த்த திரைப்படமாக இருக்க வேண்டும் என ஆசைப்படுகிறார் என்று பேச்சுக்கள் இருந்து வருகின்றன. அதற்கு தகுந்த ஒரு படத்தை ஹெச். வினோத்தால் செய்ய முடியும் என்பதே விஜய்யின் நம்பிக்கையாக உள்ளது.

ஏனெனில் இதற்கு முன்பு ஹெச் வினோத் இயக்கிய சதுரங்க வேட்டை, தீரன் அதிகாரம் ஒன்று முதலிய திரைப்படங்களில் ஏகப்பட்ட ஆய்வுகளை மேற்கொண்டு பல தகவல்களை திரட்டியிருந்தார் ஹெச்.வினோத். அரசியல் களத்தில் அப்படியான ஆதாரங்களை திரட்டி அவர் படம் இயக்கும் பட்சத்தில் அது தனக்கு சிறப்பான படமாக இருக்கும் என விஜய் கருதுவதாக கூறப்படுகிறது.

எனவேதான் ஹெச்.வினோத் தேர்ந்தெடுக்கப்பட்டுள்ளார் என்று பேச்சுக்கள் இருக்கின்றன.