சமீப காலமாக சூர்யாவிற்கு பெரிதாக வெற்றி படங்கள் என்பதே அமையவில்லை. சொல்லப்போனால் அடுத்து வரவிருக்கும் கங்குவா திரைப்படத்தைதான் சூர்யாவே மலைபோல் நம்பி இருப்பதாக கூறப்படுகிறது.
கங்குவா திரைப்படத்திற்கு முன்பு வாடிவாசல் திரைப்படத்தில் கதாநாயகனாக நடிக்க இருந்தார் சூர்யா. இந்த திரைப்படத்தை வெற்றிமாறன் இயக்க இருந்தார். ஆனால் பிறகு ஏதோ சில பிரச்சனைகளின் காரணமாக வாடிவாசல் திரைப்படத்தில் சூர்யா நடிக்கவில்லை.
அதேபோல பாலா இயக்கத்தில் உருவான வணங்கான் திரைப்படத்திலும் முதலில் சூர்யாதான் நடிக்க இருந்தார். ஆனால் படபிடிப்பு துவங்கிய சில நாட்களில் சூர்யா அந்த படத்தில் இருந்து விலகினார். இப்படி அவர் விலகிய இரண்டு திரைப்படங்களுமே பெரும் இயக்குனர்களின் திரைப்படங்களாகும்.
வெற்றிமாறன், பாலா இருவருமே ஓரளவு மக்கள் கவனிக்கும் வகையிலான திரைப்படங்களை கொடுக்கக்கூடியவர்கள். இந்த நிலையில் அடுத்து அவர் நடித்து வந்த திரைப்படம் புறநானூறு. இந்த திரைப்படத்தை இயக்கும் சுதா கொங்காரா ஏற்கனவே சூர்யாவை வைத்து சூரரைபோற்று என்கிற வெற்றி படத்தை இயக்கி உள்ளார்.
இந்த படத்திற்கான வேலைகள் சென்று கொண்டிருந்த நிலையில் தற்சமயம் இந்த படத்தில் இருந்து விலகி இருக்கிறார் சூர்யா. இது குறித்து திரைத்துறையில் சில பேச்சுக்கள் இருக்கின்றன. அதாவது இந்த திரைப்படம் ஹிந்தி எதிர்ப்பு குறித்து பேசப்படும் திரைப்படம் என கூறப்படுகிறது. அந்த நேரத்தில் இந்தியாவில் ஆட்சியில் இருந்த தேசிய கட்சியாக காங்கிரஸ் இருந்தது.
எனவே எப்படியும் இந்த திரைப்படம் காங்கிரஸிற்கு எதிராக இருக்கும் என்று நினைத்த சூர்யா. இந்த படத்தில் இருந்து அதனால்தான் சூர்யா விலகி இருக்கிறார் என்று பேச்சுக்கள் இருக்கின்றன. அதே சமயம் படத்தின் பட்ஜெட் அதிகம் என்பதாலேயும் அந்த படத்தை விட்டு சூர்யா விலகி இருக்க வாய்ப்பு இருப்பதாக கூறப்படுகிறது.
