ஹாரிப்பாட்டர் நடிகரை கெளரவித்த கூகுள்..! – இறந்த பிறகு இப்படி ஒரு மரியாதையா?

தமிழ் சினிமா மக்களிடையே பிரபலமாக இருக்கும் ஹாலிவுட் திரைப்படங்களில் முக்கியமான திரைப்படம் ஹாரிப்பாட்டர். ஹாரிப்பாட்டர் திரைப்படத்தில் வரும் அனைத்து கதாபாத்திரங்களும் சினிமா ரசிகர்களுக்கு அத்துப்படி என கூறலாம்.

ஹாரிப்பாட்டரில் பலரின் மனம் கவர்ந்த கதாபாத்திரம் செவரல் ஸ்னெப் என்கிற கதாபாத்திரம். பூவே உனக்காக திரைப்படத்தில் வரும் விஜய் போலவே காதலி வேறு ஒருவனை திருமணம் செய்து சென்ற பிறகும் கூட அவளது மகனை காப்பாற்றும் கதாபாத்திரம்.

இந்த கதாபாத்திரத்தில் சிறப்பாக நடித்தவர் நடிகர் ஆலன் ரிக்மேன். ஆலன் ரிக்மேன் ஒரு பிரித்தானிய நடிகர் என்றாலும் ஹாலிவுட்டில் மிகவும் பிரபலமானவர். தொடர்ந்து பல படங்களில் நடித்துள்ளார். இவர் நடித்த திரைப்படங்களில் ஹாரிப்பாட்டர், டை ஹார்டு, ஆலிஸ் இன் வொண்டர்லேண்ட் போன்றவை பிரபலமான திரைப்படங்கள்.

இவர் புற்றுநோயின் காரணமாக கடந்த 2016 ஆம் ஆண்டு இறந்தார். இந்த நிலையில் அவரை கெளரவிக்கும் நிலையில் கூகுள் நிறுவனம் இன்று அவரது புகைப்படத்தை டூடுல் எனப்படும் போட்டாவில் மாற்றி வைத்துள்ளது. இது அவருக்கு சிறந்த கெளரவமாக பார்க்கப்படுகிறது.